АВАРГА Э.ОЮУНБОЛД, БАГШ Б.БАТ-ЭРДЭНИЙН ХАМТ БНСУ-Г ЗОРЬСОН УУ?

68878230_2438491919543413_7258443379611009024_n.jpg АВАРГА Э.ОЮУНБОЛД, БАГШ Б.БАТ-ЭРДЭНИЙН ХАМТ БНСУ-Г ЗОРЬСОН УУ?

Энэ жилийн үндэсний их баяр наадмаар түрүүлж, “Улсын аварга” цол хүртсэн Э.Оюунболдыг допинг хэрэглэсэн тул цолоо хураалгахыг МҮБХ-г төлөөлдөг хэсэг хүмүүс шаардаад буй. Харин Үндэсний баяр наадмыг зохион байгуулах комисс “B” сорьцын шинжилгээний хариу гарсны дараа албан ёсоор зарлана гэдгээ мэдэгдсэн.

Гэтэл үүнтэй зэрэгцэн энэ ням гарагт Хэнтий аймагт аварга цолны найраа хийхээр төлөвлөөд байсан Улсын аварга Э.Оюунболд найрынхаа товоо тодорхойгүй хугацаагаар хойшлуулахаар болсон гэх мэдээлэл гараад байгаа юм.

Тэгвэл энэ тухай, яагаад цолны мялаалга наадмаа хойшлуулах болсон талаар МҮБХ /албан ёсны хуудас/ гэсэн тодотголтой цахим хуудсанд нэгэн хачирхалтай мэдээллийг нийтэлжээ.

Тус цахим хуудаст “Улсын аварга Э.Оюунболд энэ сарын 18-нд болох хүндэтгэл үзүүлэх наадмаа хойшлуулжээ. Допингийн асуудлаар ганцаараа чив чимээгүй байгаа, наадмаа хойшлуулсан, одоо хүртэл утас нь холбогдохгүй, хаана байгаа нь мэдэгдэхгүй бгаа зэрэг нь их л эргэлзээтэй. Солонгост байгаа нэг хүнээс ийм мэдээлэл ирэв. Оюунболдыг багш Бат-Эрдэнэтэйгээ БНСУ-д явж байгаа гэсэн сураг байна. Солонгост очоод цус цэвэршүүлэх шинжилгээ хийлгэж байгаа гэх. Энэ нь их үнэтэй 50-100 мянган долларын үнэтэй. Гэсэн ч тэрбээр В сорьцын шинжилгээний өмнө энэ бүхнийг амжуулж яваа гэх сураг бна. Баагий аварга, Обо аварга нарын утас холбогдохгүй, хаана байгаа нь мэдэгдэхгүй байгааг бодоход энэ мэдээлэл яалт ч гүй үнэн бололтой шүү” хэмээжээ.

А.ТАМИР

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ