Б.ЧОЙЖИЛСҮРЭН: ТОМ ЦОХИЛТОД ОРСОН

7hvFXrtkxajT85GFdnOc.jpg Б.ЧОЙЖИЛСҮРЭН: ТОМ ЦОХИЛТОД ОРСОН

Монгол Улсын Ерөнхий сайд У.Хүрэлсүхийн өгсөн үүрэг чиглэлийн дагуу Байгаль орчин, аялал жуулчлалын сайд Н.Цэрэнбатын “А 420” тоот тушаалаар байгуулагдсан ажлын хэсгийн дүгнэлтийг үндэслэн БОАЖЯ-наас “Сауд гоби коэл транс” компанийн ашиглалтын тусгай зөвшөөрлийг бүрэн цуцалсан.

Улмаар Засгийн газрын /2019.08.14/ тогтоолоор Тост, Тосон бумбын нурууны байгалийн цогцолбор газрын хилийн заагт өөрчлөлт оруулан 153482.37 га газар өргөтгөн нийт 896540.37 га газрыг байгалийн нөөц газрын ангиллаар улсын тусгай хамгаалалтад авах шийдвэр гаргасан.

Тэгвэл дээрх асуудалтай холбогдуулан “Сауд гоби коэл транс” компанийн эзэн гэгдэх УИХ-ын гишүүн Б.Чожилсүрэн хэвлэлд ам нээжээ.

Тэрээр “2010 оны төгсгөлд 7 дахь жилдээ өнгөрч байсан тийм лиценз авсан нь үнэн. 2016 онд шилжүүлж зарсан нь үнэн. Тэгээд түүнээс хойш ашиглах гэж авсан залуучууд маань ашиглах гэж оролдоод л бүтэлгүйтчихлээ. Миний хувьд тэндээс 2016 онд гарсан. Гэхдээ надтай холбогдсоноороо тэр залуучууд Монголын бизнесийн түүхэн дэх улс төрөөс шалтгаалсан хамгийн том хэлмэгдүүлэлт болоод байна. Энэ уурхайд миний нэр оролцсоноороо ийм асуудалд орчхож байгаа юм. Хэрвээ миний оронд гадаадын нэг компани байсан бол, өөр улс төрч оролцоогүй хүмүүс байсан бол асуудал үүсэхгүй байсан. Ерөөсөө асуудал нь надад байгаа. Тэр залуучууд хүн байдалд орсон сурагтай байна лээ. Би хараахан уулзаагүй байгаа. Ойрын хугацаанд уулзана.

Энэ уурхайн 50 хувь нь минийх нь үнэн. 50 хувь нь тэр Худалдаа Хөгжлийн банкны Эрдэнэбилэгийнх гэж хүмүүс ярьдаг юм. Ер нь түүхийг нь бол би цаасаа хараад ярья. Ер нь бараг 100 хувь миний мэдэлд байсан. Энэ компани надаас шилжиж байхдаа нийтдээ 57-58 тэрбум төгрөгийн зардал гаргасан байсан. Надаас шилжүүлж авснаас хойш нийт зардал нь 130  орчим тэрбум төгрөгийн хөрөнгө оруулалт орсон байх. Би уг нь ардчилсан нийгэмд амьдарч байна гэж бодож байсан юм. Хөрөнгө оруулалтыг хамгаалдаг нийгэмд амьдарч байна гэж бодож байсан. Одоо хууль зүйн хувьд бол эзэмшигчид нь хариуцлагаа хүлээх нөхцөл байдал байна. Харин ёс зүйн хувьд бол хүнд, том цохилт болсон нь үнээн. Энэ залуучууд надтай холбогдоогүй бол ийм хохирол амсах байсан уу” гэсэн юм.

А.ТАМИР

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (2)

by 2019-08-14

naad zuwshuuruluu avaad hytad ruu ga zail hunii baas so shig tsarailasan sdaa min.

by 2019-08-15

Өөрийнх чинь биздээ.Худлаа ярихаа боль. Зарсан бол чамд хамаагүй юм биш үү шунлын тулам минь

ШИНЭ МЭДЭЭ