ҮЕРИЙН ДАРАА ХАЛДВАРТ ӨВЧИН ДЭГДЭХ ЭРСДЭЛТЭЙ

ardchilal.mn_haldvar.jpg ҮЕРИЙН ДАРАА ХАЛДВАРТ ӨВЧИН ДЭГДЭХ ЭРСДЭЛТЭЙ

Үргэлжлэн  орсон аадар  борооны үеэр Улаанбаатар усанд автаж, зам, гудамж талбай их хэмжээний усаар дүүрээд байгаа.  Мөн зарим дүүргүүдийн айл өрхүүд усанд автаж, өмссөн хувцастайгаа үлдсэн гэх иргэд ч цөөнгүй байна. ОБЕГ-ын өгсөн мэдээллээр Налайх дүүргийн I хороо Уурхайчдын 25, 26, 27 дугаар гудамжинд нийслэлийн Гал түймэр унтраах, аврах 28 дугаар анги болон цагдаагийн 13 алба хаагч, хоёр автомашин, техник хэрэгсэлтэйгээр ажиллаж, 250 метр урт даланг цэвэрлэсэн.

Түүнчлэн Сонгинохайрхан дүүргийн VII, XXIV, XXVII хороо, “Мана” амралтын газрын барилга, “Чухаг”, “Хилчин” хотхоны зоорийн давхрууд, ойролцоох гудамж, талбай үерт автсан тул онцгой байдлын албаныхан 20 орчим метр урт шуудуу ухаж, усыг соруулан, зайлуулжээ. Үүнээс гадна Чингэлтэй дүүргийн XIX хороо, Тахилт, Доод тахилтын гэр хорооллын дундах зарим гудамж, Хан-Уул дүүргийн IV, X хорооны 35 дугаар байр, гэр хорооллын зарим айл усанд автсан байсан тул яаралтай арга хэмжээ авчээ. Үер буусан газруудад онцгой байдлын албаны 30 гаруй алба хаагч ажилласан байна.

Нийслэлийн хөрсөнд бүтэн жилийн турш хуримтлагдсан өтгөн, шингэн ялгадас, нус, цэр нян, бактери, мөөгөнцөр, хүнд металлууд үерийн усаар урсаж байгааг мэдэхэд илүүдэхгүй. Товчхондоо, гэр хорооллын айлуудын жорлон хотын гудамжаар урсаж буйгаас ялгаагүй. Бохир нь хальж, гудамж, талбайд ил гарсан гэсэн үг.

Энэ нь амьсгалын замын болон гэдэсний төрөл бүрийн халдварт өвчин дэгдэх шалтгаан болдгийг мэргэжилтнүүд хэлж байна.

АРДЧИЛАЛ.МН

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ