“МОНГОЛ-ХЯТАДЫН ЭКСПО” ҮЗЭСГЭЛЭНД СҮҮ СҮҮН БҮТЭЭГДЭХҮҮНЭЭР ОРОЛЦОХ БОЛОМЖГҮЙ

IMG_2870.jpg “МОНГОЛ-ХЯТАДЫН ЭКСПО” ҮЗЭСГЭЛЭНД СҮҮ СҮҮН БҮТЭЭГДЭХҮҮНЭЭР ОРОЛЦОХ БОЛОМЖГҮЙ

“Монгол-Хятадын экспо” үзэсгэлэн худалдаа энэ жил гурав дахь жилдээ зохион байгуулагдах гэж байна. Уг үзэсгэлэн худалдаа нь энэ оны есдүгээр сарын 5-10-ны хооронд БНХАУ-ын ӨМӨЗО-ны Хөх хот, Улаанцав, Тунглио  зэрэг хотуудад  болох юм.

Үзэсгэлэн худалдааны талаарх мэдээллийг өнөөдөр /2019.08.07/ зохион байгуулагчдын зүгээс өглөө.  “Монгол-Хятадын экспо-2019” үзэсгэлэн нь энэ жил Монгол, БНХАУ-ын хооронд дипломат харилцаа тогтоосны 70 жилийн ойн хүрээнд зохион байгуулагдаж байгаагаар онцлог гэдгийг тодотголоо.

Монгол улс болон БНХАУ-ын худалдааны эргэлтийг 2020 он гэхэд 10 тэрбум ам.долларт хүргэхээр зорьж байгаа аж. Энэхүү үзэсгэлэн худалдаа нь худалдааны эргэлтэд том түлхэц болох боломжтой гэдгийг албаныхан онцоллоо.

Арга хэмжээний үеэр Үндэсний үйлдвэрлэгчдийн бараа бүтээгдэхүүнийг суртчилан, борлуулах юм. Мөн эдийн засгийн хамтын ажиллагааны ажлыг эрэлхийлсэн хурал формууд, худалдаа хөрөнгө оруулалтын хэлэлцээрүүд хийгдэнэ. Энэ үеэр соёл урлаг, шинжлэх ухаан мэдээллүүд, Монгол улсаа гаднын оронд суртчилах хоёр улсын стандартын хамтын ажиллагааг өргөжүүлэх чиглэлээр ажиллах юм. Тухайлбал ноолуурын форм үзэсгэлэн, загвар зохион бүтээгчдийн дундах уралдаан тэмцээнүүд  зохион байгуулагдах аж.

Энэ удаагийн үзэсгэлэн нь дөрвөн үндсэн хөтөлбөрийн хүрээнд 13 арга хэмжээ зохион байгуулагдана. Эхний өдрүүдэд Улаанцав хотод Монгол улсын дүр төрхийг харуулсан аялал жуучлал, ХАА, Уул уурхайн чиглэлийн үзэсгэлэн болно. Энэ нь Монгол улсын Засгийн газрын үндсэн гурван тулгуурт бодлого дээр тулгуурлан явагдахаар төлөвлөгдөөд байгаа.  

 БНХАУ-ын зүгээс сүү сүүн бүтээгдэхүүн, гахайн мах өөх орсон бүтээгдэхүүн, зөгийн бал орсон бүтээгдэгдэхүүнийг хилээр оруулахыг хориглосон. Мөн мах махан бүтээгдэхүүний хувьд зөвхөн БНХАУ-д экспортын зөвшөөрөлтэй аж ахуйн нэгжүүд оролцох боломжтой юм.

Үзэсгэлэнд оролцох аж ахуйн нэгжийн зохион байгуулалт, ложистик, бүртгэл зэрэг асуудлыг Монголын Үндэсний худалдаа аж үйлдвэрийн танхим, Мишээл экспо ХХК, Монголын үйлдвэрлэгчдийг дэмжих холбоо хариуцан ажиллах бөгөөд бүртгэлийн үйл ажиллагаа энэ сарын 2-12-ны өдрийг хүртэл бүртгэнэ.

АРДЧИЛАЛ.МН

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ