"ТОРГОНЫ ЗАМ" УРАЛДААНД ХИЛЧИД ҮҮРЭГ ГҮЙЦЭТГЭВ

9278a64bb081209af155f7541b8a7d90.jpg "ТОРГОНЫ ЗАМ" УРАЛДААНД ХИЛЧИД ҮҮРЭГ ГҮЙЦЭТГЭВ

Монгол, ОХУ, БНХАУ-ын гурван улсын Ерөнхийлөгчийн ивээл дор зохион байгуулагдаж буй авто ралли энэ сарын 12, 13-ны өдрүүдэд Өмнөговь аймгаар дайран өнгөрлөө.

Монгол, ОХУ, БНХАУ-ын гурван улсын Ерөнхийлөгчийн ивээл дор зохион байгуулагдаж буй авто ралли энэ сарын 12, 13-ны өдрүүдэд Өмнөговь аймгаар дайран өнгөрлөө. Энэ үеэр аймгаас 15 км-т байрлах Зэвсэгт хүчний 167 дугаар ангийн хээрийн сургалтын төвийн байранд тус уралдааны бариаг хүлээн авч байрлуулсан юм. Үүнтэй холбогдуулан Хилийн 0131 дүгээр ангийн алба хаагчид төлөвлөгөөний дагуу хамгаалалтад гарч Гашуунсухайтын боомтоор зөрчил дутагдалгүй нэвтрүүлэн ажиллалаа. Мөн Даланзадгад хотын Говь гурван сайхан, Ханбогд суманд байрлах “Ханбумбат” нисэх онгоцны буудлуудад шалган нэвтрүүлэх тасаг болон хилийн албаны алба хаагчид ажиллаж авто раллид оролцож байгаа бүрэлдэхүүнийг хүлээн авч нэвтрүүллээ.

"Торгоны зам" олон улсын уралдаанд Хилийн 0131 дүгээр ангийн бүрэлдэхүүн, Цагдаагийн газар, Зэвсэгт хүчний 167 дугаар анги харуул хамгаалалтад ажилласан бол эрүүл мэндийн байгууллагаас найман автомашин, 20 орчим эмнэлгийн ажилчид дайчлагдан, дундын гурван цэг, хөдөлгөөнт яаралтай тусламжийн гурван цэг, хээрийн эмнэлэг нэгийг дэлгэн, долоон эрүүл мэндийн байгууллага бэлэн байдлыг хангаж ажиллав.

Эх сурвалж: ХИЛ ХАМГААЛАХ ЕРӨНХИЙ ГАЗАР

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ