АЖИЛ, АМРАЛТАА АНДУУРСАН ГИШҮҮН

66721080_909291466100965_2479076005382193152_n.jpg АЖИЛ, АМРАЛТАА АНДУУРСАН ГИШҮҮН

Төрийн ордонд нэвтрэх иргэдийн хувьд нэн түрүүнд анхаарах зүйл нь хувцаслалт юм. Түүнчлэн сүүлийн үед Төрийн тусгай хамгаалалтын албаныхан Төрийн ордонд нэвтрэхэд хувцаслалтад онцгой анхаарч, ордны хаалга тус бүрд хувцаслалтын зураг наасан байдаг.

Учир нь “Монгол Улсын Төрийн ордны хамгаалалт, үйлчилгээний журам”-аар иргэдийг төрийн ордонд нэвтрүүлэхтэй холбогдсон харилцааг зохицуулдаг. Тодруулбал, Төрийн ордонд хамгаалалт, үйлчилгээний болон цэрэг, цагдаагийн ажилтнууд дүрэмт хувцастай, бусад хүмүүс албаны болон үндэсний хувцастай төрийн ордонд нэвтэрнэ. 

Харин биеийн тамирын, чөлөөт амралтын, ажлын болон этгээд загварын, нуруу, хэнхдэг ил гарсан, гэрэлтдэг нимгэн хувцас, өвдөгнөөс дээш богино банзал, бохирдсон хувцастай иргэд, ажилтнуудыг нэвтрүүлдэггүй. Түүнчлэн сорочкон цамц эрээн бол нэвтрүүлэхгүй байхаар болжээ.

Мөн Ерөнхийлөгчтэй холбоотой арга хэмжээнд оролцохоор Төрийн ордонд нэвтэрч байгаа бол заавал зангиа зүүхийг шаардах болсон байна.

Гэтэл тэрхүү дүрэм, журам зарим төрийн түшээд, УИХ-ын гишүүдэд үйлчилдэггүй бололтой. Учир нь өнөөдөр /2019.07.17/ УИХ-ын гишүүн С.Бямбацогт төрийн ордонд хориглосон хувцастай ажлаа хийж явна. Тэрбээр Үндсэн хуульд нэмэлт өөрчлөлт оруулах ажлын хэсгийн хуралдаанд оролцсон тухайгаа хэвлэлийнхэнд тайлбарласан юм. Ингэхдээ тэрээр спорт загварын, ханцуйгүй "boss" брэндийн футболкыг өмссөн байдалтай төрийн ордонд ажиллаж байна.

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ