Л.ОЮУН-ЭРДЭНЭ: "ЖАСТ"-ЫН Ш.БАТХҮҮ 98 ОРЧИМ ТЭРБУМ ТӨГРӨГӨӨР ҮНЭЛЭГДЭХ ХӨРӨНГӨТЭЙ

64986173_2368584040084027_8577985202708545536_n.jpg Л.ОЮУН-ЭРДЭНЭ: "ЖАСТ"-ЫН Ш.БАТХҮҮ 98 ОРЧИМ ТЭРБУМ ТӨГРӨГӨӨР ҮНЭЛЭГДЭХ ХӨРӨНГӨТЭЙ

  “Жаст” группийн захирал Ш.Батхүүгийн улсад учруулсан хохирлыг төлүүлэх ажлын хэсэг байгуулжээ. Энэ талаар УИХ гишүүн ЗГХЭГ-ын дарга Л.Оюун-Эрдэнэ мэдээлэл хийлээ. Тэрбээр “Жаст группын захирал Ш.Батхүү түүний хамаарал бүхий этгээдүүдтэй холбоотой нэр бүхий 180 орчим объект, 98 тэрбум төгрөгийн хөрөнгө байна. Гэтэл энэ хүн ямарч эд хөрөнгө байхгүй гэх мэдүүлгийг өгөөд байгаа.  Энэ мэтээр төрийн мөнгийг үнэгүйдүүлдэг бүлэг хүмүүс байна.

Жишээ нь, Хөгжлийн банк. Нэг ч төгрөг төлөөгүй хүн байна. Энэ хүмүүс анхнаасаа л төлөхгүй гэсэн зорилготой авсан нь  харагдаж байна. Гэтэл эдгээр хүмүүс “шүүхэд өгчхөөч” гэж байна. Тэдний хувьд шүүхэд очих нь бахдалтай хэрэг болчхож. Шүүхэд өгөхөөр авсан зээлийнхээ 10-15 хувийг шүүгчдээ авилга хэлбэрээр өгдөг юм шиг байгаа юм. Ингээд хэрэг нь дарагдаад, шүүгч нь баяжаад, улс хохирдог.

Олон улсын банк санхүүгийн байгууллага үүнийг мөнгө угаалтын том схем байна гэж харж байна. Өнөөдрийг хүртэл манайд мөнгө угаахтай холбоотой нэг ч хэрэг шийдэгдээгүй. Ж.Батхүү нь Монгол улсыг 160 орчим сая ам.долларын өрөнд оруулсан. Гэтэл тухайн үеийн Ерөнхий сайдаар ажиллаж байсан С.Баяр “Эрдэнэт” үйлдвэрийн захирал асан Ч.Ганзориг нартай үгсэн хуйвалдсан уу? гэдгийг хууль хяналтын байгууллага тогтоохгүй байна. Хөөн хэлэлцэх хугацааг дуусгахаар хүлээж байна уу гэж хардаж байна. Энэ хүн ял завшаад гарч ирээд шилжүүлсэн хөрөнгүүдээ буцаан авна. Иймд бид Засгийн газраас ажлын хэсэг томилон ажлуулах гэж байна. Ажлын хэсэгт 7-8 хүн орно. Бид “Эрдэнэт” үйлдвэрийг төрийн өмчийн хохирогчоор оруулж, хууль хяналтын байгууллагад хандана. Ийм кэйсийг бид нүдэн дээрээ харсаар байж алдаж болохгүй” гэсэн юм.

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ