ЖҮЖИГЧИН Т.БАРХҮҮ 18 САЯ ТӨГРӨГИЙН ЭЗЭН БОЛЛОО

65461211_2232475076837781_2638898644773765120_n-810x500.jpg ЖҮЖИГЧИН Т.БАРХҮҮ 18 САЯ ТӨГРӨГИЙН ЭЗЭН БОЛЛОО

 “Яг түүн шиг” шоуны дөрөвдүгээр улирлын  хагас финалын дугаар өчигдөр /2019.06.30/ “Боловсрол суваг” телевизээр үзэгч олондоо хүрлээ.

Хагас финалын дугаарт оролцогчид Монгол дуучдаа дуурайж, дэут уран бүтээлчдийг урьж оролцуулснаараа онцлог болсон юм.

Тодруулбал дуучин П.Баярцэнгэл Төрийн соёрхолт, дуучин Д.Болд, загвар өмсөгч С.Сарнай реппер Жий, дуучин Б.Халиун дуучин Укаг, дуучин Б.Амархүүг “Чингис хаан” одонт дуурийн дуучин Г.Ариунбаатар, дуучин Б.Маралжингоо дуучин С.Наран, дуучин Г.Сүндэрмаа Монгол Улсын гавьяат дуучин Т.Ариунаа, Б.Нацагдорж буюу Наки шоуны шүүгч Г.Ганхүүг, жүжигчин Т.Бархүү шоуны оролцогч Б.Амархүүг дуурайж үзэгчдийг гайхшруулсан тоглолт үзүүллээ.

Хагас  финалын  ялагчаар авьяаслаг оролцогч Т.Бархүү тодорсон юм. Тэрбээр шоуны оролцогч, дуучин Б.Амархүүг дуурайж,  шоуны гурван шүүгчээс, хамгийн өндөр оноо болох 12 оноог авч чадсан бол бусад долоон оролцогч бүгд өөрийн гурван оноогоо өгсөн юм.

Ингээд жүжигчин Т.Бархүүд, нийт 57 оноог авч ялалт байгуулсан. Мөн шоу нэвтрүүлэг эхлэх мөчөөс үзэгчдээс мессеж саналыг авснаар шоу дуусахад хамгийн өндөр оноог бас л жүжигчин Т.Бархүү авч, тэрбээр 10 сая төгрөгийн эзэн болсон юм.

Шоуны төгсгөлд өнгөрсөн есөн дугаарын турш хамгийн өндөр оноог авсан хоёр оролцогчийг шалгаруулахад дахин жүжигчин Т.Бархүү нийт 325 оноогоор тэргүүлж, найман сая төгрөгөөр шагнууллаа.

Жүжигчин Т.Бархүүгийн хувьд “Энэ шагналын мөнгөө ард түмэнтэйгээ хуваалцана. Чухам юу хийхийг одоо сайн хэлж мэдэхгүй байна” гэдгээ хэлсэн юм. Харин дуучин Г.Сүндэрмаа, П.Баярцэнгэл нар 255 оноогоор тэнцсэн тул хоёуланг нь шалгаруулж, тус тус таван сая төгрөгийн эзэн боллоо.

АРДЧИЛАЛ.МН

 

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ