Л.ОЮУН-ЭРДЭНЭ: ЗГ-ЫН ХУРАЛДААНААР 11 КОНЦЕССЫН ГЭРЭЭГ ЦУЦАЛЛАА

875e8c45592f26b58c366524c070e225.jpg Л.ОЮУН-ЭРДЭНЭ: ЗГ-ЫН ХУРАЛДААНААР 11 КОНЦЕССЫН ГЭРЭЭГ ЦУЦАЛЛАА

Засгийн Газрын өнөөдрийн /2019.06.19/ хуралдаанаар хэлэлцсэн асуудлыг ЗГХГ-ын дарга, УИХ Л.Оюун-Эрдэнэ танилцууллаа. Тэрбээр хэлэхдээ: “Өнөөдрийн Засгийн Газрын хуралдаанаар концессын гэрээтэй холбоотой асуудлыг хэлэлцлээ. Концессын 20 орчим гэрээ хийгдсэнээс зөвхөн стратегийн, улс орны хөгжилд хэрэгтэй гэрээнүүдийг үлдээгээд, өрийн дарамт болохуйц 11 концессын гэрээг цуцаллаа. Тодруулбал Алтанбулаг-Улаанбаатар-Замын-Үүд чиглэлийн концессын гэрээг цуцалсан. Аж ахуй нэгжүүд хохирол ярьж байгаа. Засгийн газар бүр ч их хохирол амсах үндэслэл үүсч байна. Учир нь өмнөх Засгийн газар энэ гэрээнүүдийг хийсэн байдаг. Гэтэл урт хугацаа өнгөрсөн боловч гэрээт үүргээ биелүүлээгүй байна. Мөн барих, шилжүүлэхээр концессын гэрээг авч үлдвэл цаашид бид өрийн дарамтаа дийлэхгүй болно гэж үзсэн учраас гэрээгээ цуцалсан.

Дорноговь аймгийн Сайншанд сумыг Дэлгэрэх сумтай холбох 130 км замын концессын гэрээг бас цуцлах шийдвэр гаргалаа. Концессын гэрээгээр бага сургууль болон цэцэрлэгийн цогцолбор баригдахтай холбоотой багц концессын гэрээг цуцлах нь зүйтэй гэж үзсэн. Стратегийн ач холбогдолтой концессын гэрээнүүдийг үргэлжлүүлэх ёстой гэсэн шийдвэр гаргасан.

Говийн бүс уул уурхайн төслүүдэд үйлдвэрийн технологийн ус нийлүүлэх төсөл. Энэ төслийг барих, ашиглах, шилжүүлэх болгож гэрээний нөхцөлийг өөрчилж сунгасан. Мөн Тавантолгой- Ханбогд- Ханги чиглэлийн авто замтай холбоотой төслийг барих ашиглах, шилжүүлэх буюу Засгийн Газарт өр төлбөрийн дарамт байхгүйгээр шийдэх нь зүйтэй гэж үзсэн.

Дархан-Сэлэнгийн авто замаас Шаамар, Зүүнбүрэн, Цагааннуур, Зэлтрийн боомт чиглэлийн 120,85 км хатуу хучилттай авто замын концессыг мөн энэ нөхцөлөөр хийх нь зүйтэй гэж үзлээ”.

Б.Бадралмаа

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ