ШӨХТГ: ШАТАХУУНЫ ҮНИЙГ БУУРУУЛАХ АЛБАН ШААРДЛАГЫН ХАРИУГ ЗУРГААДУГААР САРЫН 17-НД АВНА

-14062019-1560496092-54225994-tserendulam.jpg ШӨХТГ: ШАТАХУУНЫ ҮНИЙГ БУУРУУЛАХ АЛБАН ШААРДЛАГЫН ХАРИУГ ЗУРГААДУГААР САРЫН 17-НД АВНА

“Газрын тосны бүтээгдэхүүний хангамж, үнийг тогтворжуулах асуудлыг зохион байгуулах, хяналт тавих үүрэг бүхий төр, хувийн хэвшил, иргэний нийгмийн байгууллагын хамтарсан зөвлөл”-ийн энэ оны зургаадугаар сарын 4-ний хуралдааны шийдвэрээр Уул уурхай, хүнд үйлдвэрлэлийн яам, Ашигт малтмал, тосны газар, ШӨХТГ-уудад шатахууны жижиглэнгийн үнийг үндэслэлгүйгээр нэмсэн аж ахуйн нэгжүүдийн тусгай зөвшөөрлийг цуцлах арга хэмжээ авч ажиллахыг үүрэг болгосон.

Үүнтэй холбогдуулан “Хамтарсан зөвлөл”-өөс гадаад зах зээлийн үнэтэй уялдуулан бууруулах чиглэлийг шатахууны худалдаа эрхлэгчдэд өгсөн ч аж ахуй эрхлэгчид холбогдох арга хэмжээг аваагүй гэлээ. 

Тиймээс тэднийг автомашин эзэмшигчдийн эрх ашгийг хүндэтгэн өөрийн харъяа төв болон орон нутгийн салбар нэгжүүдийн жижиглэн борлуулалтын үнийг гадаад хилийн үнэтэй уялдуулан бууруулж, дараах арга хэмжээнүүдийг авсан талаарх хариуг аж ахуйн нэгжүүдээс  зургаадугаар сарын 17-нд авна хэмээн мэдэгдлээ. 

Үүнд:
- Дэлхийн газрын тосны зах зээлд үнийн өөрчлөлт ороогүй тохиолдолд шалтгаангүйгээр өсгөхгүй байх;
- Жижиглэнгээр борлуулж байгаа шатахууны үнийг эдийн засгийн тогтвортой үнийн түвшинд барих;
- Агаарын бохирдлыг бууруулах чиглэлээр ЕВРО-5 стандартын шатахууны импорт  борлуулалтыг нэмэгдүүлэх тал дээр анхаарч ажиллах;
- Хэрэглэгчдэд үнэн зөв мэдээлэл өгөх 

 “Роснефть” компанийн гадаад хилийн үнэ 2019 оны зургаадугаар сард 
-    А-80 автобензин 640 ам.доллар/тонн
-    АИ-92 автобензин 670 ам.доллар/тонн
-    Дизель түлш 639 ам.доллар/тонн 

Энэ нь өнгөрсөн тавдугаар сартай харьцуулахад:
-    А-80, АИ-92 автобензин тонн тутамдаа 25 ам.доллар, 
-    Дизель түлш 1 ам.доллараар буурсан.

“Үнээ буулгаагүй тохиолд тусгай зөвшөөрлийг түтгэлзүүлэх саналыг Уул уурхайн хүнд үйлдвэрийн яаманд өргөн барина” хэмээн хэрэглэгчийн эрх ашгийг хамгаалах газрын дарга Ш.Цэрэндулам мэдэгдлээ. 

Б.Энхжаргал

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ