ГХ-НЫ САЙД Д.ЦОГТБААТАРЫГ ОГЦРОХЫГ ШААРДАЖ, ИРГЭД ЖАГСЛАА

64287522_2406641179573597_1678721906473172992_n.jpg ГХ-НЫ САЙД Д.ЦОГТБААТАРЫГ ОГЦРОХЫГ ШААРДАЖ, ИРГЭД ЖАГСЛАА

Гадаад харилцааны яамны гадна талбайд өнөөдөр /2019-06-14/ сайд Д.Цогтбаатарыг огцрохыг шаардаж, иргэд жагслаа. Жагсаал зохион байгуулагчдын зүгээс хар тамхины хэрэгтэй холбогдсон дипломат албаныхны хариуцлагагүй үйлдлийг салбарын сайд нь үүрэх хэрэгтэй гэх шаардлагыг тавьж, 70 кг хар тамхи /орлуулсан болно/ гардуулан өгөх үйл ажиллагааг зохион байгуулсан юм.

Энэ талаар жагсаал зохион байгуулагч О.Чулуунбилиг: “ХБНГУ-д хар тамхи тээвэрлэж байгаад баригдсан дипломатуудтай холбоотой Гадаад харилцааны сайд Д.Цогтбаатар өөрийгөө зөвтгөсөн байр суурийг илэрхийлж байна. Монголын дипломат ажилтнууд хар тамхи тээвэрлэдэг байж болзошгүй асуудлыг гаднын тусгай хүчнийхэнтэй хамтарч илрүүлсэн гэх зүйлийг албан ёсоор мэдэгдлээ. Дипломат ажилтнуудаа Гадаад харилцааны сайд нь хамгаалах ёстой байтал харин ч бүр гаднын тусгай хүчинтэй нийлэн барьж өгсөн үйлдэл нь эх орноосоо урвасан эрүүгийн ялтай гэмт хэрэг мөн. Хар тамхины хэрэгтэй холбоотой ноцтой асуудал салбар яаман дээр нь гарчхаад байхад би хамаагүй. Салбар төрийн зөвлөл томилсон. Би мэдэхгүй. Надаас өмнө гарчихсан гэсэн тайлбар өгөөд байж байна. Өөрөө үүнийг мэдэхгүй, чадахгүй байгаа бол ажлаа өгчих. Үүний чинь хар үр дагаврыг Монголын ард түмэн нүүрээрээ төлж байна.

Өнөөдөр олон улсын хэвлэл мэдээллийн хэрэгслээр Монголын дипломат ажилтнууд нь хар тамхины бүлэглэлтэй хамтран ажилладаг, Монголын мал нь гоц халдварт өвчтэй, иргэд нь тэмбүүтэй гэсэн мэдээлэл цацагдаж байна. Бидэнтэй гадаадад байгаа Монголчууд маш ихээр холбогдож, ичгэвтэр байдалд орж байгаагаа хэлж байна.

Иймд бид Д.Цогтбаатар сайдыг хариуцлагаа хүлээж, албан тушаалаа өгөхийг шаардаж байна. Хэрвээ сайдад хариуцлага тооцохгүй бол бид үе шаттайгаар дараагийн арга хэмжээгээ зохион байгуулахаа мэдэгдэж байна” гэлээ.

05-14 Гадаад харилцааны сайд Д.Цогтбаатарыг огцрохыг шаардав

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ