700 САЯАР АВСАН ГЭХ 4850 ШИРХЭГ “ШАР” ХАШЛАГЫГ ХАМГИЙН ҮНЭТЭЙГЭЭР ТООЦОХОД 257 САЯ ТӨГРӨГ БОЛЖ БАЙНА. ҮЛДСЭН МӨНГӨ НЬ ХААЧИВ АА ХОТЫН ДАРГАА?

62505544_405440066716076_8392959532015288320_n.jpg 700 САЯАР АВСАН ГЭХ 4850 ШИРХЭГ “ШАР” ХАШЛАГЫГ ХАМГИЙН ҮНЭТЭЙГЭЭР ТООЦОХОД 257 САЯ ТӨГРӨГ БОЛЖ БАЙНА. ҮЛДСЭН МӨНГӨ НЬ ХААЧИВ АА ХОТЫН ДАРГАА?

Зун болоод нийслэл хот өнгөө нэмж л байна. Гэхдээ хотын том дарга нарын сайнд бус хур борооны шим, хот тохижилт, цэцэрлэгжүүлэлтийн хэдийн маань нөр хөдөлмөрийн үр дүнд нийслэл маань нэг хэсэгтээ л нүүрээ угаасан хүүхэд шиг болдог. Энэ зун мөн л тэр яанзаараа өнжих нь ээ.

Харин эрх баригчид, Хотыг удирдаж буй намчингууд хотын өнгө үзэмжийг нэмэх нэрийдлээр төсөв мөнгө хусах, хумслах цөөн хэдэн ажлыг энэ зун санаачлаад буй. Тэднээс дурдвал төв замын төмөр хашлага солих, Арслантай гүүрийн “усан хөшиг”-ийг шинэчлэх зэрэг аахар, шаахар ажлууд юм. Гэхдээ эдгээр нь хүний нүдэнд харагдах нь аахар, шаахар боловч төсөв, мөнгө нь үндсэн зардлаасаа хэд дахин өндөр үнээр нугалагдан хийгдээд эхэлжээ.

Тодруулбал, саяхнаас хотын төв зам дээр тавьсан "шар" өнгөтэй хашааг “Нийслэлийн Засаг даргын захирамжаар 700 сая орчим төгрөгөөр нийтдээ 4850 ширхгийг Бээжингээс импортолжээ. 

Энэ тухай Улаанбаатар хотын ерөнхий менежер Т.Гантөмөр хэвлэлд “Засаг даргын захирамжаар 700 сая орчим төгрөгөөр нийтдээ 4850 ширхэг Бээжин хотын үйлдвэрийн зориулалтын хашааг авчирсан” хэмээн ярьсан.

Түүнчлэн түүний яриаг бататгаж Нийслэлийн авто замын хөгжлийн газрын дарга Ж.Тогтохбаяр "Шар хайсан хашлагыг хотын Ерөнхий менежер захиалж, хариуцаж, Тээврийн цагдаатай зөвлөлдөж шаардлагатай газруудад байрлуулсан. Урьд нь байсан хуванцар шар, улаан хайсан хашлагуудыг ч мөн Тамгын газраас шийдээд Улаанбаатар зам засвар арчлалтын газраар тавиулж байсан. Энэ удаад тавигдсан хашлагууд урьдынхаасаа илүү чанартай, стандартад нийцэж байгаа гэж хотын Ерөнхий менежер хэлсэн" гэж дурджээ.  Уг нь энэ 2019 оны 1 дүгээр сарын 30-ны өдрийн Засгийн газрын 59 тоот тогтоолоор 2019 оныг “Эх оронч худалдан авалтын жил” болгон зарлаад байгаа.  

Харин хотын дарга нар эх оронч худалдан авалтаас татгалзаж, хууль зөрчиж, импортын бараа бүтээгдэхүүнийг худалдан авчээ. Ингэхдээ их өндөр үнээр худалдан авалт хийснээ зарлав. Гэтэл тэрхүү 700 саяын үнэтэй хашлага нь урд хөршид нэг ширхэг нь 50-138 юаниар зарагддаг болохыг БНХАУ-ын захын зарын сайтад тавьсан байна. Тэгэхээр манай дарга нар бүр хамгийн үнэтэй хашаа авлаа гэхэд 138 юаниар хашаа авсан болж таарч байгаа юм.

Тэгвэл манай хотын дарга нарын 138 юаниар авсан хашааг Монгол төгрөгт шилжүүлэхээр нэг бүрийг нь 53.000 төгрөгөөр бодож авсан болох юм. Гэхдээ энэ бол хамгийн өндөр үнэтэй хашлагын үнэ. Манай хотын харамч, хумслагч дарга нар түүнээс ч хямдхан үнээр зохицуулчихсан байх талтай. Тэгээд бодохоор хотын дарга С.Амарсайханы захирамжаар, хотын Ерөнхий менежер захиалж, хариуцаж авчирсан 4850 ширхэг төмөр хайс нийтдээ Монгол төгрөгөөр тооцоход 257 сая орчим л төгрөгөөс цааш даваагүй бололтой байгаа юм.

Гэтэл манай хотын удирдлагууд 700 сая төгрөгөөр авчирсан хэмээн хээвнэг хариулж суух юм. За яахав энэ мөнгө зөвхөн хашааны бус тээвэрлэлт, суурилуулалтын зардал орсон гээд тооцъё. Гэсэн ч хотын дарга нарын хэлсэн 700 сая гэх үнийн талд нь ч “шар” хашааны бүх үнэ хүрэхгүй байна. Үлдсэн мөнгө хаачсан бэ хотын даргаа, хотын менежерээ...

Энэ талаар дахин дэлгэрэнгүй сурвалжилж хүргэх болно.

А.ТАМИР

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (1)

by 2019-06-14

Улаанбаатар хотын ерөнхий менежер Т.Гантөмөр чинь мэргэжлийн хүмүүс нь болохгүй гээд байхад уулнаас мод авчирч хотод тариад маш их хэмжээний мод үхүүлж улсад байгал дэлхийд хор хохирол учрууллаа энэ нөхөртөө хариуцлага тооцоочээ хууль хяналтынхан

ШИНЭ МЭДЭЭ