МОНГОЛЫН САГСЧИД ТУРКИЙН ШИГШЭЭД ХОЖИГДОЖ, ТЭМЦЭЭНЭЭ ДУУСГАЛАА

62356512_686643098462110_5080476248472289280_n-810x500.jpg МОНГОЛЫН САГСЧИД ТУРКИЙН ШИГШЭЭД ХОЖИГДОЖ, ТЭМЦЭЭНЭЭ ДУУСГАЛАА

Монгол Улсад багийн төрлийн Дэлхийн аварга шалгаруулах тэмцээн /ДАШТ/ анх удаа болж байна. Сагсан бөмбөгийн 3х3 төрлийн 18 хүртлэх насны ДАШТ-д эрэгтэй, эмэгтэй нийт 40 баг өрсөлдөж байгаа бөгөөд өнөөдөр/2019.06.07/ медалийн эзэд тодорно. Харин Монголын эрэгтэй баг тамирчид хувьд шилдэг наймд шалгарсанаар тэмцээнээ өндөрлүүлсэн юм.

Хасагдах шатны тоглолт Монгол, Туркийн тоглолтоор 13 цагт эхлэсэн юм. Тоглолт 21:18 онооны харьцаагаар Туркийн шигшээ багийн ялалтаар өндөрлөж, манай залуус тэмцээнээ дуусгалаа.

18 хүртэлх насны ДАШТ-ий шилдэг дөрвөн багийн нэгээр үлдээд байгаа Туркийн баг “А” хэсэгт Итали, Словани, БНХАУ, Йорданы багуудыг дараалан хожиж, 100 хувийн амжилттайгаар хэсгээ тэргүүлж, улмаар Монголын багийг хожлоо.

Анх удаа ДАШТ-д өрсөлдсөн Монгол Улсын шигшээ баг “С” хэсэгт Латви, Беларус, Гүржийн багуудыг хожиж, АНУ-д хожигдсоноор хэсгийн хоёрдугаар байраар шалгарч шилдэг наймд үлдсэн юм. Хагас шигшээд тоглох эрхийн төлөө Туркийн шигшаа багтай тоглосон ч ялагдал хүлээж тэмцээнээ өндөрлүүллээ.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ