ЭЕШ ӨГӨХДӨӨ АНХААРАХ ЗҮЙЛС

182927-13042016-1460538835-1323107392-shalgalt.jpg ЭЕШ ӨГӨХДӨӨ АНХААРАХ ЗҮЙЛС

Энэ жилийн элсэлтийн ерөнхий шалгалт зургаадугаар сарын 17-нд  Монгол улсын түүх, Физик хичээлийн шалгалтаар эхэлнэ. Хүүхдүүд шалгалтад очихдоо юу авч очих болон зарим анхаарууштай зүйлсийн талаарх зөвлөмжийг хүргэж байна. 

  • Иргэний үнэмлэх иргэний үнэмлэх авах насанд хүрээгүй бол төрсний гэрчилгээ, түүнтэй адилтгах бичиг баримт
  • Бүртгэлийн хуудас /одоо төгсөж байгаа хүүхдүүд сургуулийнхаа захирлаар гарын үсэг зуруулж баталгаажуулсан байх ёстой/
  • Суудлын хуваарь 
  • Бүрэн дунд боловсролын гэрчилгээ гэсэн дөрвөн бичиг баримттай ирж шалгалтанд хамрагдах бөгөөд аль нэг бичиг баримт байхгүй тохиолдолд тухайн хичээлийн шалгалтад оруулахгүй.

Мөн Боловсролын үнэлгээний төвөөс энэ жил шууд засалт явуулахтай холбогдуулан шалгалт бүрт  балын харандааг хүүхдүүдэд тарааж өгнө. Тиймээс гаднаас ямар нэгэн үзэг бал авч ирэх шаардлагагүй аж.

ЗӨВЛӨМЖ

  • ЭЕШ өгөх өдрөө холбогдох бичиг баримтын хамт шалгалт эхлэхээс нэг цагийн өмнө хуваарилагдсан шалгалтын төв дээр очсон байх
  • Хариултын хуудас бөглөхдөө тоот мөр алгасан зөрүүлэхгүй байх
  • Сэтгэл зүйгээ бэлдэн тайван, хянамгай байх
  • Шалгалтын өмнө тохиромжтой хоол хүнс хэрэглэх
  • Их хэмжээний шингэн уухгүй байх
  • Өмнөх өдөр нь сайн унтаж амрах
  • Биедээ тохиромжтой, анги тасалгааны хэмд тохируулан хувцаслах хэрэгтэй.
Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ