ТӨРИЙН ОРДОНД АРХИДАЛТ ГААРЧ, САХИЛГА, ХАРИУЦЛАГА АЛДАГДЖЭЭ

62320186_337711576918477_5808363606168829952_n.jpg ТӨРИЙН ОРДОНД АРХИДАЛТ ГААРЧ, САХИЛГА, ХАРИУЦЛАГА АЛДАГДЖЭЭ

Монгол төрийн ордон архидалтын үүр болоод удлаа. Учир нь түмний сонголтоор гарч ирсэн төрийн түшээд төрийн ордонд согтуурхах, хөлчүүрхэх, архидалт зохион байгуулах нь хэвийн үзэгдэл болжээ. Түүнийгээ ч тэд ус уусан мэтээр "Си" даргын бэлгэнд өгсөн архийг цайныхаа цагаар задалсан юм гэж хээвнэг мэлздэг болж.

Гэтэл саяхан Монгол төрийн ордонд сөрөг хүчний лидер архидалтын уршгаар амь насаа алдсан эмгэнэлт явдал болоод өнгөрлөө. Тэгсэн ч мөнөөх төрийн түшээд нь  албан тасалгаандаа архидалт зохион байгуулсаар байгаа ажээ.

Энэ бүх дур зоргоор авирлалтын үр дүнд хүний алтан амь нас эрстсэн учир УИХ-ын дарга Г.Занданшатар сая ухаарч,  УИХ-ын сахилга, хариуцлагыг сайжруулах тухай саналаа УИХ дахь МАН-ын бүлгийн дарга Д.Тогтохсүрэн, УИХ-ын Ёс зүйн дэд хорооны дарга С.Бямбацогт нарт хүргүүлжээ.

Тэрбээр хүргүүлсэн саналдаа "Сүүлийн үед Улсын Их Хурлын нэр бүхий гишүүд төрийн ордонд согтууруулах ундаа хэрэглэх, цүнх гар тээшээ рентген машинд шалгуулахгүй нэвтрэх, хамгаалалтын албаны ажилтны шаардлагыг биелүүлэхгүй байгаа зөрчлийн талаарх мэдээг Төрийн хамгаалалтын албанаас удаа дараа ирүүлсээр байна" хэмээжээ.

Ийнхүү Монгол төрийн ордонд архидалт гаарч, согтуу түшээд ордноор холхилдож, сахилга, хариуцлага утгаараа алагджээ. Тиймээс арга ядсан УИХ-ын даргын зүгээс сахилга, хариуцлага сайжруулах санал гаргаж холбогдох албан тушаалтнууддаа ийн хүргүүлсэн байна. 

No photo description available.

А.ТАМИР

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ