БНСУ-ЫН ЭЛЧИН САЙД ВИЗНИЙ ХУРААМЖ ЗАВШСАН БАЙЖ БОЛЗОШГҮЙ

93228abd-5900-41b7-bc1f-54ff0c82fc72-810x500.jpg БНСУ-ЫН ЭЛЧИН САЙД ВИЗНИЙ ХУРААМЖ ЗАВШСАН БАЙЖ БОЛЗОШГҮЙ

БНСУ-ын Гадаад хэргийн яам нь Монгол Улсад суугаа БНСУ-ын ЭСЯ-нд аудитын шалгалт хийх шийдвэрийг өчигдөр /2019.05.28/ гаргажээ. БНСУ-аас Монгол Улсад суугаа Элчин сайд Чон Жэ Намийг эрх мэдлээ хэтрүүлэн ашиглаж виз зуучлагчидтай хамтран удаа дараалан виз олголтонд нөлөөлсөн хэрэгт сэжиглэж байгаа бөгөөд үүгээр зогсохгүй яамны ажилчидтай зүй бусаар харьцаж үг хэлээр доромжилдог, виз мэдүүлэгчдийн хураамжийг хувьдаа завшсан зэрэг хэрэгт буруутгаж байгаа юм.

БНСУ-ын Гадаад хэргийн яам аудитын дүгнэлт гарсан даруйд холбогдох арга хэмжээг яаравчлан авахаа мэдэгджээ. Чон Жэ Нам нь ажилтнуудтайгаа зүй бусаар харьцсан аудио бичлэгүүд цацагдсан бөгөөд уг бичлэгт Элчин сайд ажилчид руугаа "Миний идэж байгаад орхисон тахианы махтай хоол алга болсон байна. Олж авчир" гэх зэргээр хашгирч, загнан ёс зүйгүй үйлдэл гаргасан, "Элчин сайдын охиныг танисангүй, хаалгаар оруулалгүй 3 минут хүлээлгэсэн" хэмээн хамгаалалтын албаны ажилтныг үг хэлээр доромжлон, дарамталж буй нь бичигджээ.

ЭХ СУРВАЛЖ: NAVER.COM

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ