"МОБИКОМ" КОРПОРАЦИЙГ ТҮРЭЭСИЙН ТӨЛБӨРӨӨ ТӨЛӨХИЙГ ШААРДЖЭЭ

pic1-21.jpg "МОБИКОМ" КОРПОРАЦИЙГ ТҮРЭЭСИЙН ТӨЛБӨРӨӨ ТӨЛӨХИЙГ ШААРДЖЭЭ

Үүрэн телефоны томоохон операторуудын нэг болох "Мобиком" корпорацитай холбоотой таагүй мэдээллийг эх сурвалжууд хөндөж эхэлжээ. Тодруулбал, "Мобиком"  корпораци нь "Монтрейд" компанийн байранд түрээсийн үйл ажиллагаа явуулдаг бөгөөд өнгөрсөн 10 гаруй жилийн хугацаанд Монтрейд, Ньюком компанийн хооронд байгуулсан гэрээний дагуу Ньюком компанитай гэрээ байгуулан оффис түрээслэн үйл ажиллагаа явуулж ирсэн байна. 

Гэвч гэрээний хугацаа нь өнгөрсөн оны арванхоёрдугаар сарын 31-нд дууссан ч гэрээгээ сунгалгүй өнөөдрийг хүртэл тус байранд үйл ажиллагаагаа явуулсан аж. Энэ хугацаанд "Монтрейд" компанийн зүгээс түрээсийн төлбөрөө тохиролцоод гэрээгээ байгуулаад явъя хэмээн шаардсан боловч "Мобиком" корпораци шаардлагад нь хариу өгөлгүй 5 сарыг ардаа үджээ.

Тиймээс энэ асуудлаар "Монтрейд" компанийн зүгээс "Мобиком" корпорацийн Ерөнхий захирал Тацуяа Хамадад шаардлага хүргүүлжээ. 

Шаардлагадаа "Манай компани "Ньюком Проперти" ХХК-тай байгуулсан түрээсийн гэрээний хугацаа 2018 оны арванхоёрдугаар сард дууссаны дараа "Мобиком корпораци"-д түрээсийн гэрээний нөхцөлөө тохирч гэрээ байгуулан үйл ажиллагаа явуулахыг олон сарын турш шаардсан боловч өнөөдрийг хүртэл манай компанийг үл ойшоож, дорд үзэж байгаад харамсч байна. Монтрейд ХХК нь "Мобиком" корпорацийг тогтвортой, урт хугацаанд түрээсийн үйл ажиллагаа явуулна гэж итгэж ийнхүү хямд үнийн нөхцөлөөр түрээслүүлдэг байсан" хэмээн дурджээ. 

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ