АН: ЭСЭРГҮҮЦЛИЙН ЖАГСААЛ ЗОХИОН БАЙГУУЛНА

81004f9ce38504ac1f25bac98242874864054e68.jpg АН: ЭСЭРГҮҮЦЛИЙН ЖАГСААЛ ЗОХИОН БАЙГУУЛНА

Ардчилсан нам, УИХ дахь Ардчилсан намын зөвлөлийн гишүүд өнөөдөр /2019.05.22/ Төрийн ордонд цаг үеийн асуудлаар мэдээлэл хийлээ.

Ардчилсан нам УИХ дахь сөрөг хүчний хувьд улс төрийн тэмцэл эхлүүлж байгаагаа мэдэгдэв.  Сөрөг хүчний зүгээс хийж буй улс төрийн тэмцлийн хүрээнд энэ сарын 30-нд төв талбайд эсэргүүцлийн жагсаал зохион байгуулж, Засгийн газрыг огцруулах шаардлага хүргүүлэх ажээ. 

УИХ-ын гишүүн, Ардчилсан намын дарга С.Эрдэнэ: "Бид сөрөг хүчний хувьд улс төрийн тэмцлийг эхлүүлж байна. Өнөөгийн парламентын 75 гишүүний 50 нь ЖДҮХС, концесс зэрэг ямар нэгэн байдлаар гэмт хэрэгт холбогдсон байна. Ийм байхад юун Үндсэн хууль өөрчлөх вэ.  Өнөөгийн Засгийн газар үйл ажиллагаа явуулах ёс зүй, чадамжгүй  учир тарах ёстой. Эрх баригчид хааяа нэг хэвлэл, мэдээллийн хэрэгслээр сүржин мэдэгдэл хийхээс хэтэрсэнгүй. Тиймээс тавдугаар сарын 30-нд Ардчилсан нам жагсаал зохион байгуулна. Бүтэн сарын улс төрийн акц хийнэ. Өнөөдөр Монголын ард түмний зөрчигдөж буй эрхийн төлөө дуугарч,   эрх баригчдад хариуцлага тооцох чадвартай нам нь Арчдилсан нам.  Тиймээс өнөөдрөөс улс төрд өөрчлөлт хийх ажлыг эхлүүлж байна" гэв. 

Түүнчлэн Арчдилсан намаас  өнгөрсөн дөрөвдүгээр сарын 16-ны өдөр УИХ-ын гишүүн Б.Пүрэвдоржийн УИХ-ын даргад хүргүүлсэн Монголбанкны ерөнхийлөгч Н.Баяртсайханыг чөлөөлөх саналыг нэн даруй УИХ-аар хэлэлцэх мэдэгдлийг хүргүүлж байгаагаа мэдэгдлээ. 

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ