ЕРӨНХИЙ САЙД АА, БҮРЭН БҮРЭЛДЭХҮҮНЭЭРЭЭ ОГЦОРЧ АРД ТҮМНЭЭСЭЭ УУЧЛАЛТ ГУЙ!!!

5cdcb37974bd96.47373973.jpeg ЕРӨНХИЙ САЙД АА, БҮРЭН БҮРЭЛДЭХҮҮНЭЭРЭЭ ОГЦОРЧ АРД ТҮМНЭЭСЭЭ УУЧЛАЛТ ГУЙ!!!

-Хулгайтай, осолтой, хүн амины хэрэгтэй, авлигатай, халдварт өвчинтэй У.Хүрэлсүхийн Засгийн газар-

Одоогоос яг нэг жил хагасын өмнө Ж.Эрдэнэбатын удирдсан Засгийн газар бүрэн бүрэлдэхүүнээрээ огцорч, халааг нь У.Хүрэлсүх гардаж байв. Шадар сайд байхад нь өөрийг нь тагнаж чагнасан гэх хэргийг өдөөж, өөрөө болон өөрийн тойрон хүрээлэгчдээрээ уйгагүй тороолдсоны эцэст Ж.Эрдэнэбатыг унагаасан. Шулуун хэлэхэд У.Хүрэлсүх Ж.Эрдэнэбатаас суудлыг нь шууд булааж авсан гэж хэлж болно. Харамсалтай нь өөрсдийгөө “Ардын” хэмээн нэрлэсэн У.Хүрэлсүхийн багийнхан өмнөх Засгийн эрхийг булааж авахдаа мордохын хазгай болж олон ч хүн хорвоогийн мөнх бусыг үзлээ.

Түүний Ерөнхий сайд болохдоо ард түмэнд хандаж хэлсэн “Би ард түмнээ өмгөөлдөг, авлигачидтай хатуу тэмцдэг Ерөнхий сайд байхыг хүсч байна” гэх алдарт эшлэл хөрсөн дээр эсрэгээрээ хэрэгжиж байна. 
Харин ч эсрэгээрээ ард түмэн айдастай, авлигачинсайд дарга нар пээдгэр байна.
У.Хүрэлсүх Ерөнхий сайд болсон нэг жил хагасын хугацаанд Монгол Улсад сайн сайхан гэхээс саар үйл явдлууд шилээ даран гарлаа. Хулгайтай, аллагатай, авлигатай, хариуцлага алдсан ослуудтой, цэрэг эрс нь амиа алдаж, бага насны хүүхдүүд гаж донтнуудад зүй бусаар бузарлуулж, дунд сургуулийн 527 гаруй хүүхэд нийгмийн халдварт өвчний тээгч болсон аймшигтай явдлууд шил шилээ даран гарчихлаа.

Яг үнэндээ төр захиргааны албан өрөөнд аллага гарч, төрийн чанга хамгаалалт дор ч иргэд нь амиа алдсан байхад одоог хүртэл буруутай этгээдэд хариуцлага тооцоогүй л байна. Мэдээж хариуцлагагүйн улмаас хүний алтан амь эрсдэх асуудал зөвхөн цэрэг цагдаа, хууль шүүхээр зогсохгүй уул уурхайн салбарт ч гарсан. Компанийн буруутай үйл ажиллагаанаас үүдсэн уг ослын хариуцлага өнөөдөр хүртэл яригдаагүй байна. Салбарт нь уурхайчид олноор үрэгдэж байхад Уул уурхай, хүнд үйлдвэрийн сайд Д.Сумъяабазар гадаад дотоодгүй томилолтоор нисч л явсан.

Хамгийн сүүлд, Төв цэвэрлэх байгууламжид албан үүргээ гүйцэтгэж байсан 4 залуу амиа алдсан эмгэнэлт явдал болж хариуцлагыг Барилга хот, байгуулалтын сайд Х.Баделхан тэргүүтэй салбар удирдсан хүмүүс үүрэх ёстойг иргэд олон анхааруулсан ч Ерөнхий сайд бас л үл ойшоож хэнтэй нь ч хариуцлага яриагүй. 
Засгийн газрын гишүүд нь улсаа тонож дээрэмдэн, авлига албан тушаалын хэрэг наймаалцаад завгүй байх зуур салбар бүрт ард түмний алтан амь үрэгдэж гэмгүй үрс маань нийгмийн халдварт өвчний золиос болж байхад Эрүүл мэндийн яам энэ аймшигтай асуудлыг өнөөдрийг хүртэл нууцлаж байх жишээтэй. Тиймээс хариуцлагыг хатуу ярихыг шаардсан ард олны тэмцэл улам ширүүсэх аястай болж эхэллээ.

Хэрвээ тэрбээр ярьж хэлсэн шигээ ажилладаг бол албан тушаалаа урвуулан ашиглаж ЖДҮХС-аас хулгай хийсэн 5 сайд түүний Засгийн газарт ажиллахгүй байсан нь лавтай. 
Нийгэм нь айдас хүйдсээр дүүрч иргэд нь тав тухгүй байхад Ерөнхий сайд маань анхаарал тавьж хариуцлагын сэлмээ эргүүлэхийн оронд ирэх зургаадугаар сард болох Хэнтий аймгийн нөхөн сонгуульд анхаарлаа хандуулж төрийн мөнгөөр үнэгүй сурталчилгаагаа эхлүүлчихсэн жишим ч үгүй явсан нь харамсалтай. 
Эцэст нь У.Хүрэлсүхийн Засгийн газрын гурван сайдаар хүч сэлбэсэн ч юу ч өөрчлөгдсөнгүй. Тиймээс тэд бүрэн бүрэлдэхүүнээрээ огцорч ард түмнээсээ уучлалт гуйвал яасан юм бэ!!!.

ЭХ СУРВАЛЖ: Х.МАРГАД

ERENNEWS.MN

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ