ТӨВ АЙМАГЧУУДЫН ТӨЛӨӨЛӨЛ ТӨРИЙН ОРДОНД “САЛААВЧ” ГАРГАЖ СУУНА

-07072014-1404711302-1765274938-sukhbat_avarga.jpg ТӨВ АЙМАГЧУУДЫН ТӨЛӨӨЛӨЛ ТӨРИЙН ОРДОНД “САЛААВЧ” ГАРГАЖ СУУНА

Монголын улс төрд салаавч гаргадаг ёс зүйгүй, биеийн хэлэмж бүртгэгдээд удлаа. Бараг анхных нь УИХ-ын гишүүн асан Ш.Сайхансамбуугийн Д.Балдан-Очир, Б.Бат-Эрдэнэ нарт өгсөн давхар салаавч болов уу. Тухайн үед гишүүн асан Ш.Сайхансамбуу сэтгүүлчдэд “Тоглоод тиймэрхүү үйлдэл гаргасан” гэж хээвнэг хариулсан байдаг.

Түүнээс хойш улс төрчид, УИХ-ын гишүүд, хурган, төлгөн дарга нар олон удаа салаавч үзүүлсэн увайгүй түүхтэй.

Сануулбал, УИХ-ын гишүүн агсан Ц.Шинэбаяр Ерөнхийлөгч асан Н.Энхбаярыг баривчлах үеэр тусгайгийн албан хаагчдын өмнөөс салаавч гаргасан нь тухайн үедээ дуулиан тарьж байлаа. Түүнийгээ тэрбээр “Тухайн үед хоолойн хагалгаанд орсон байсан учраас дуугарч чадахгүй шахам байсан. Аргагүйдээ салаавч” гаргасан гэж тайлбарласан байдаг.

Түүний дараагаар төд удалгүй МАХН-ын дарга Н.Энхбаяр хууль, хүчний байгууллагын ажилтнуудын өөдөөс салаавч гаргасан тохиолдол бүртгэгдсэн юм. Гэхдээ тэд салаавч гаргасныхаа төлөө ямар ч хариуцлагад унаагүй хоцорсон.

Харин тэднийг дуурайсан ганц л хүн гаргасан салаавчныхаа хариуг сайн гэгч нь хүртсэн удаатай. Тодруулбал, УИХ-ын гишүүн Г.Баярсайхан чуулганы танхимд өдгөө гийн Ерөнхий сайд, хурц аашт, хурандаа У.Хүрэлсүхийн өмнөөс салаавч гаргасан байдаг юм. Гэвч тэрээр үзүүлсэн үйлдлийнхээ хариуг тэр дороо хатуу гэгч нь хүртчихсэн билээ. Лав л гишүүн асан Г.Баярсайхан ахиж хэн нэгэн рүү салаавчлахгүй болтол сургамж авсан байх.

Тэр бүх явдлаас хойш нэр бүхий олон эрхмүүд салаавч гаргасан даа. Тэдэн дунд нь энгийн иргэд ч байлаа. Эрхтэн дархтан ч байлаа. Жишээлбэл “Хас”-ын гэгдэх Ч.Ганхуяг тэргүүтэй хэсэг нөхөд “Төрийн ордон” руу, Хаанахын ч билээ нэг дарганцар замын цагдаа руу, жирийн иргэн хурган дарга руу хүртэл салаавч гаргаж байлаа. Ингэж л салаавч нэг хэсэгтээ газар аваад байв. Тэрчлэн томчуудын гаргасан тус үйлдлийг хүүхэд багачууд хүртэл даган дуурайхад хүрсэн.

Ингэж явсаар салаавчны тухай яриа огтоос алга болж бараг мартагдах шахаж байлаа. Гэтэл дээрх зохисгүй биеийн хэлэмжийг дахин нэг хүн, тэр дундаа бөх, УИХ-ын гишүүн хүн дэлгэрүүлэн гаргаад иржээ. Тэр хүн бол Төв аймгаас УИХ-д сонгогдсон, ярьдаг бөх, /салаавч/ А.Сүхбат юм.

Тэрбээр саяхны нэг өдөр УИХ-ын Байнгын хорооны хурал дээр энэхүү мунхаг салаавч үйлдлээ гаргажээ. Ингэхдээ тэрээр өөрсдийг нь шүүмжилсэн сөрөг хүчний төлөөлөл, УИХ-ын гишүүн Б.Пүрэвдоржид хандаж гаргажээ. Тийнхүү УИХ-ын гишүүн, Дархан аварга А.Сүхбат нэг удаа салаавч гаргаад зогссонгүй. Тэрбээр үргэлжлүүлэн нэжгээд удаа гаргаж үлгэрлэлээ.

Уг нь Төв аймагчууд түүнийг төрд төлөөлж, хууль батлалцуулахаар илгээсэн байлтай. Гэтэл Ардын наадмын түрүү, Ардын намын гишүүн Агваансамдангийн Сүхбат ард түмний төлөөлөл рүү Монгол төрийн ордонд салаавч үзүүлж сууна.

 

А.ТАМИР

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ