ХУРДАН МОРИНЫ УРАЛДААНЫГ ЕСӨӨС ДЭЭШ МАШИН ДАГАХЫГ ХОРИГЛОНО

232faeae77ea76eb.jpg ХУРДАН МОРИНЫ УРАЛДААНЫГ ЕСӨӨС ДЭЭШ МАШИН ДАГАХЫГ ХОРИГЛОНО

УИХ-ын гишүүн Х.Болорчулуун Үндэсний их баяр наадмын тухай хуульд нэмэлт, өөрчлөлт оруулах тухай хуулийн төсөл өргөн барьсан байна. Тухайлбал, хурдан морины уралдааныг есөөс илүү машин дагахыг хориглох заалт оруулсан байна. “Хурдан морины уралдааны хажуугаар машины уралдаан болж байгаа мэт замбараагүй байдал үүсдэг”, “Олон машин уралдаан дагасантай холбоотойгоор тоос их босдог” гэх мэт шүүмжлэл их гардаг. Тиймээс ийнхүү хурдан морины уралдааныг дагах машины тоог цөөлөх нь зүйтэй гэж үзжээ.

Мөн жил бүрийн арваннэгдүгээр сарын 1-нээс тавдугаар сарын 1-ний хооронд хурдан морины уралдаан зохион байгуулахыг хориглох заалт нэмэхээр хуулийн төсөлдөө тусгажээ. Гэхдээ зөвхөн билгийн тооллын хаврын тэргүүн сарын шинийн 14-нд хаврын бүсийн уралдааныг азарга, их нас, соёолон насны ангиллаар зохион байгуулахыг зөвшөөрөх юм байна. Энэ уралдааны хурдан морийг ослын даатгалд даатгуулсан 14 буюу түүнээс дээш насны хүүхдээр унуулахыг зөвшөөрөх ажээ.

Х.Болорчулуун тэргүүтэй хууль санаачлагч гишүүд уг хуулийн төслөө батлуулсан тохиолдолд ирэх долдугаар сарын 1-нээс хэрэгжүүлэхээр төлөвлөжээ.

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ