“ЛИВЕРПУЛЬ” – “БАРСЕЛОНА”: ХЭН ЮУ ХЭЛЭВ?

rydajuschij-fanat-fartovaja-citata-salaha-i-gore-messi-na-enfilde-luchshie-foto_15572723941875280609_(1).jpg “ЛИВЕРПУЛЬ” – “БАРСЕЛОНА”: ХЭН ЮУ ХЭЛЭВ?

Өчигдөр шөнө Английн Ливерпуль хотод Аваргуудын лигийн хагас шигшээ шатны эхний хариу тоглолт болж өнгөрлөө. Долоо хоногийн өмнө нутагтаа 3:0 ялсан “Барса” баг Ливерпульд зочлон ирсэн юм. Мохаммед Салах, Роберто Фирмино хоёр гэмтэлтэй байсан нь “Барса”-гийн ялах магадлалыг даруй хоёр дахин нэмсэн тул Английн фэнүүд ч ялна гэдэгтээ эргэлзэж байсан биз ээ. Гэвч хөлбөмбөг сонирхогчид түүхэнд бичигдэх гайхамшигтай камбэк үзсэн юм.

“Ливерпуль” Англи – “Барселона” Испани 4:0 (1:0, 3:0)

“Энфилд”

Гоол: 1:0 – 7 Ориги, 2:0 – 54 Вейналдум, 3:0 – 56 Вейналдум, 4:0 – 79 Ориги.

“Ливерпуль” – Алиссон, Александер-Арнолд, Матип, ван Дейк, Робертсон (Вейналдум, 46), Милнер, Хендерсон, Фабиньо, Шакири (Старриж, 90), Ориги (Гомес, 85), Мане.

“Барселона” –            тер Стеген, Серхи Роберто, Пике, Лангле, Альба, Видаль (Артур, 75), Бускетс, Ракитич (Малком, 80), Коутиньо (Нелсон Семеду, 60), Месси, Суарес.

Шар хуудас: Фабиньо (11), Бускетс (45), Ракитич (53), Матип (66), Нелсон Семеду (75).

“Ливерпуль” багийн дасгалжуулагч Юрген Клопп “Хэрэв тоглолтын өмнө 4:0 ялна гэсэн бол би итгэхгүй байх байлаа. Бид дэлхийн шилдэг багийг яллаа. Манайхан маш сайн тоглолоо. Итгэхийн аргагүй. Би тоглолтын өмнө “Дараагийн шатанд шалгарах нь боломжгүй зүйл. Гэхдээ та нарт бол боломж байгаа” гэж хэлсэн”“Барселона” багийн довтлогч Луис Суарес “Англичууд ялна гэдэгтээ эхний минутаас эцсийн секунд хүртэл итгэлтэй байсан. Харин бид фэнүүдээсээ уучлалт гуйх ёстой. Дөрөв дэх гоолыг алдахдаа бид хүүхдүүд шиг л байлаа. Одоо бид шүүмжлэлийн сумыг цээжээрээ хүлээн авах ёстой

“Барселона” багийн дасгалжуулагч Эрнесто Вальверде “Энэ ялагдал надад хэрхэн нөлөөлөхийг би мэдэхгүй. Дасгалжуулагч хүн бүх хариуцлагыг хүлээх ёстой. Хоёр жил дараалан бид ингэж ялагдаж байна. Тэд биднээс илүү байлаа. Өөрийгөө өмгөөлөх үг алга”

 

Жозе Моуриньо “Яагаад “Барса” ялагдсаныг тайлбарлах үг надад алга. Вальверде яаж тайлбарлахыг хармаар байна. Түүнд тун хэцүү байна гэдгийг би ойлгож байна. Дөрөв дэх гоолыг ёстой хүүхэд шиг л алдлаа”

“Ливерпуль” багийн довтлогч Дивок Ориги “Бид багаараа тоглож, багаараа яллаа. Гэмтсэн нөхдийнхөө өмнөөс ч тулалдсан. Манай баг авьяас ур чадвар, шаргуу хөдөлмөр хосолсон баг”

Арсен Венгер “Ливерпуль Европт сайн тоглодгийн гол шалтгаан нь “Энфилд” цэнгэлдэх. Европын хамгийн аюултай цэнгэлдэх хүрээлэн. Маш онцгой уур амьсгалтай. Миний очихыг хүсдэггүй ганц стадион бол “Энфилд”

Эх сурвалж: Zindaa.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ