500 ӨДӨР ШОРОНД ХОРИГДСОН “REUTERS” АГЕНТЛАГИЙН ХОЁР СЭТГҮҮЛЧИЙГ СУЛЛАЖЭЭ

239636-07052019-1557221654-679358569-mede.jpg 500 ӨДӨР ШОРОНД ХОРИГДСОН “REUTERS” АГЕНТЛАГИЙН ХОЁР СЭТГҮҮЛЧИЙГ СУЛЛАЖЭЭ

Мьянмарт рохинжа үндэстнүүдийн нөхцөл байдлын талаар сурвалжилга хийснийхээ төлөө шоронд хоригдсон “Reuters” агентлагийн хоёр сэтгүүлчийг өнөөдөр суллажээ.

33 настай Ва Лон, 29 настай Кяа Сое Оо нар Янгон хотын захад 500 орчим өдрийг шоронд өнгөрүүлээд байсан юм. Тэднийг төрийн нууцын тухай хуулийг зөрчсөн хэрэгт буруутгаж, өнгөрсөн жилийн есдүгээр сард долоон жил ял оноосон байв.

Мьянмарт дөрөвдүгээр сарын 17-нд эхэлсэн шинэ жилийн уламжлалт баярыг тохиолдуулан олон мянган хоригдолд өршөөл үзүүлжээ. Үүнд “Reuters” агентлагийн хоёр сэтгүүлч багтсан юм. Өнөөдөр 6,520 хоригдлыг ерөнхийлөгчийн өршөөлийн дагуу сулласан байна.

Ва Лон сэтгүүлчийн ажлаа үргэлжлүүлэх хийхээ амлаад, ажилдаа эргэн орох гэж байгаадаа сэтгэл хангалуун байгаагаа илэрхийлжээ.

Эх сурвалж: gogo.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ