МЕКСИКТ ОНГОЦ ОСОЛДОЖ 13 ХҮН АМИА АЛДЖЭЭ

239603-07052019-1557200624-1467141270-ongots.jpg МЕКСИКТ ОНГОЦ ОСОЛДОЖ 13 ХҮН АМИА АЛДЖЭЭ

АНУ-ын Лас Вегас хотоос Мексикийн хойд нутгийг зорин нисэж байсан тийрэлтэт онгоц замдаа осолдож, 13 хүн амиа алдсан тухай тус улсын эрх баригчид даваа гарагт мэдээлэв.  

Тодруулбал, Мексикийн Коауила мужид Канадын “Bombardier Challenger 601” хувийн нисэх онгоц унасан байсныг олжээ. Онгоцонд 10 зорчигч, хөлгийн багийн 3 гишүүн байсан гэнэ. Мексикийн засгийн газар ослоос нэг ч хүн амьд гарч чадаагүй талаар мэдээлжээ.

Мөрдөн шалгах ажиллагаа эхэлсэн байна. Мексикийн “Televisa” телевизийн мэдээлснээр нисгэгч хүчтэй шуурганаас зугтаж, ослын буулт хийсэн байна.

Зорчигчид Лас Вегаст болсон боксын тэмцээнийг үзээд буцах замд нь ийм үйл явдалд болжээ. Тус онгоц ням гарагт орон нутгийн цагаар гуравт Лас Вегасаас хөдөлсөн ч хоёр цагийн дараа холбоо тасарчээ. Онгоц ням гарагийн орой Мексикийн Монтеррей хотод газардах учиртай байсан юм.

Эх сурвалж: Fox news  

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ