МОСКВАД "АЭРОФЛОТ"-ЫН ОНГОЦ ОСОЛДОЖ, 41 ХҮН АМИА АЛДЖЭЭ

7383ed_su_superjet_100_x974.jpg МОСКВАД "АЭРОФЛОТ"-ЫН ОНГОЦ ОСОЛДОЖ, 41 ХҮН АМИА АЛДЖЭЭ

ОХУ-ын нийслэл Москва хотоос ням гаригт /2019.05.05/ Мурманскийн чиглэлд хөөрсөн “Sukhoi Superjet 100” нисэх онгоц осолдож, 41 хүний амь нас эрсдсэн харамсалтай хэрэг гарлаа.

Онгоцонд нийт 73 зорчигч, нисэх багийн таван гишүүн явжээ. Амь эрсдсэн 41 хүний дотор хоёр хүүхэд байсан бол нэг нь багийн гишүүн байсан гэх мэдээллийг албаныхан өгсөн байна. Одоогийн байдлаар ослоос амьд үлдсэн 37 хүнийг бүртгэсэн бөгөөд үүнээс таван хүн эмнэлэгт хүргэгджээ.

Онгоцны даргын хэлж байгаагаар хөлөг  хөөрсний дараа аянганд өртсний улмаас  техникийн саатал үүсч автомат системүүд ажиллагаагүй болсон гэжээ. Онгоц хөөрөөд хагас цагийн дараа техникийн саатлаас болж буцан, Шереметьевогийн нисэх буудалд ослын буулт хийжээ. Ингэхдээ онгоц маш хүчтэй газардсанаас болж онгоцны хөдөлгүүр шатаж эхэлсэн байна. Осолтой холбоотой мөрдөн байцаах хороо хавтаст хэрэг нээж ослын шалтгааныг тогтоохоор ажиллаж байгаа аж. 

Ослын улмаас амь нас нь эрсдсэн 41 хүнд гүн эмгэнэл илэрхийлье.

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ