100 АЙЛД АМИА АЛДСАН ИРГЭН ДУХАНДАА БУУДУУЛСАН БАЙЖЭЭ

57989072_657177121370421_6661465967966552064_n.jpg 100 АЙЛД АМИА АЛДСАН ИРГЭН ДУХАНДАА БУУДУУЛСАН БАЙЖЭЭ

Өнөөдөр /2019.4.26/ 100 айлын автобусны буудлын ард “Нарлаг цайны газар”-т буун дуу гарч  40 орчим насны эрэгтэй  амиа алдсан хэрэг гарчээ.

Цагдаагийн албаны мэдээлэлсэнээр   Сүхбаатар Дүүрэг 11-р хороо, 100 айлын автобусны буудлын орчим "толгойноос нь цус гарсан  эрэгтэй хүн хэвтэж байна" гэх дуудлага өглөөний 07:00 цагийн орчимд ирсэн байна

Одоогоор тус газрыг цагдаагийн хамгаалалтад аваад, хэргийн газрын үзлэг явагдаж байна. Цагдаагийн бие бүрэлдэхүүн хэргийн газарт ажиллахад амь насаа алдсан иргэний гараас дарь олдсон ч буу олдоогүй аж. 

Хэргийн талаар ЦЕГ-ын хэвлэл мэдээллийн төвийн дарга цагдаагийн дэд хурандаа Б.Баатархүү хэлэхдээ “Хэргийн газарт үзлэг хийгээд ажиллаж байна. Хэргийн газарт цагдаагийн бүрэлдэхүүн ажиллаж байгаа учраас хэргийн талаар дэлгэрэнгүй мэдээлэл өгөх боломжгүй байна. Үзлэг дууссаны дараа илүү тодорхой болно. Гэмт хэргийг үйлдсэн этгээдийг харсан гэрч байгаа тохиолдолд цагдаагийн байгууллагад нэн яаралтай мэдээлэл 102-т ирүүлэх хэрэгтэй байна.  Гэмт хэрэг үйлдсэн этгээдийг шуурхай эрэн сурвалжлахад дэмжлэг үзүүлж ажиллахыг хүсч байна. Цогцсыг Шүүх шинжилгээний үндэсний хүрээлэн рүү хүрүүлсэн. Задлан шинжилгээний хариу 21 хоногийн дараа гарна. Задлан шинжилгээ цогцост хийх үзлэгээр үхэлд хүргэсэн шалтгаан нь тодорхой болно” гэв.

Тус хэргийг Сүхбаатар дүүргийн цагдаагийн II хэлтэс шалгаж байгаа юм байна. 

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ