“ШИНЭ МОНГОЛ” СУРГУУЛИЙНХАН Ё.БААТАРБИЛЭГ САЙДЫН ТУШААЛЫГ ӨӨРЧЛҮҮЛЭХЭЭР ЭЛДЭВ АРГА СҮВЭГЧИЛЖ ЭХЭЛЖЭЭ

57611880_878687119147303_7641908535223123968_n.jpg “ШИНЭ МОНГОЛ” СУРГУУЛИЙНХАН Ё.БААТАРБИЛЭГ САЙДЫН ТУШААЛЫГ ӨӨРЧЛҮҮЛЭХЭЭР ЭЛДЭВ АРГА СҮВЭГЧИЛЖ ЭХЭЛЖЭЭ

Боловсрол, Соёл, Шинжлэх Ухаан, Спортын сайд Ё.Баатарбилэг 2019 оны 4 дүгээр сарын 5-ны өдөр “Ерөнхий боловсролын сургуулийн элсэлтийн талаар авах зарим арга хэмжээний тухай” А/200 дугаар тушаал гаргасан.

Тус тушаалд “...нэгдүгээр ангид элсэгчдийг аливаа хэлбэрийн шалгалтгүйгээр элсүүлэн суралцуулахыг өмчийн бүх хэлбэрийн ерөнхий боловсролын сургуулийн захирал нарт үүрэг болгосугай” гэж заасан байв.

 Тиймээс БСШУС-ын сайдын тушаал гарсантай холбогдуулж Монгол улсад үйл ажиллагаа явуулж буй бүхий л ерөнхий боловсролын сургуулиуд мөнгө татаж, элдэв шалгалт авч сурагчид элсүүлдэг байдлаа зогсоосон юм. Гэтэл тэдэн дундаас ганцхан “Шинэ Монгол” сургуулийн захиргаа хэл ам хийж, Ё.Баатарбилэг сайдын гаргасан тушаал өөрсдийнх нь явуулдаг үйл ажиллагаанд нийцэхгүй байна хэмээн гомдоллож эхэлжээ.

“Шинэ Монгол” сургуулийн хувьд жил бүрийн өдийд нэгдүгээр ангийн элсэлтээ авдаг байна. Ингэхдээ шинээр элсэж буй 6 настнуудаас төлбөрөөс нь гадна элсэлтийн хураамж мөнгө хурааж, шалгалт авч иржээ. Гэтэл шинээр томилогдсон БСШУС-ын сайдын тушаал тэдний хийж заншсан үйлдлийг шууд таслан зогсоожээ.

Тиймээс “Шинэ Монгол” сургуулийн удирдлагууд сайдын тушаал гарсан өдрөөс эхлэн өөрсдийн үйл ажиллагаандаа өөрчлөлт хийхгүй сайдын тушаалыг өөрчлүүлэхээр элдэв арга сүвэгчилж эхэлжээ. Тодруулбал, саяхан /2019.04.17/-ны өдөр тус сургуулиас мэдэгдэл гаргажээ.

Тус мэдэгдэлдээ “Тушаал гарсны маргааш буюу 2019 оны 4-р сарын 10-нд бид сайдад хандан, тушаалаа эргэн харахыг хүссэн 02/207 тоот албан бичиг явуулав. Бичгийн хариугаа хүлээж, асуудалд хүлээцтэй хандан, хамтдаа ярилцаж зөвшилцөн, нэгдсэн нэг шийдэлд хүрэхийг туйлаас хүс ч байлаа. БСШУСЯ-ны Ерөнхий боловсролын бодлогын газрын дарга Т.Ням-Очиртой хоёр ч удаа уулзаж саналаа тавилаа. Тэр ч байтугай жил бүрийн шалгалтаар Японоос ирж ажилладаг тус сургуулийн зөвлөх Мияата Осамүгийн хамт очиж, Японд хувийн сургуулийн элсэлтэд төр засаг огт оролцдоггүй бөгөөд ийм тушаал шийдвэрийг гаргахдаа олон нийтээр хэрхэн хэлэлцүүлдэг, тушаал шийдвэр гаргахын тулд урьдчилан судалгаа хийдэг, эрх ашиг нь хөндөгдөх магадлалтай этгээдүүдтэй хэрхэн зөвшилцдөг талаар дэлгэрэнгүй тайлбарлан яриулсан билээ” гэжээ.

Ингэж л “Шинэ Монгол сургуулийнхан зөвхөн өөрсдийн бизнесийн явцуу эрх ашгаа бодож Япон зөвлөхөө хүртэл дагуулан Боловсролын сайдыг ээрэн шаналгах болжээ. Тэгээд ч зогсохгүй "манай Японд ингэдэг" хэмээн Монгол төрийн сайдын шийдвэрийг эсэргүүцжээ.

Зөвхөн ганц хүний, ганцхан байгууллагын эрх ашигт тохируулж гаргасан шийдвэр, тушаалаа өөрчлөөд байвал энэ улсад төр байх хэрэг юу билээ.

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ