ТҮР ХОРООНЫ БҮРЭЛДЭХҮҮНД БАГТСАН ГИШҮҮД

238784-17042019-1555496554-756577911-huulizui.jpg ТҮР ХОРООНЫ БҮРЭЛДЭХҮҮНД БАГТСАН ГИШҮҮД

УИХ-ын Хууль зүйн байнгын хорооны өнөөдрийн хуралдаанаар С.Зоригийн амь насыг хөнөөсөн хэргийг шийдвэрлэсэн асуудлаар Олон улсын парламентын холбооны удирдах зөвлөлөөс ирүүлсэн шийдвэрийг судалж, холбогдох санал, дүгнэлт боловсруулах үүрэг бүхий Түр хорооны бүрэлдэхүүнд ажиллах гишүүдийн нэрсийг дэмжжээ.

2018 оны 11 дүгээр сарын 17-ны өдөр УИХ-ын гишүүн Л.Болд нарын 6 гишүүний өргөн мэдүүлсэн “Түр хороо байгуулах тухай” УИХ-ын тогтоолын төслийн анхны хэлэлцүүлгийг хийсэн юм.

Ингээд УИХ-ын гишүүн

  • Л.Болд,
  • Ж.Батзандан,
  • Я.Санжмятав,
  • Ц.Нямдорж,
  • А.Сүхбат,
  • Л.Оюун-Эрдэнэ нар ажиллахаар төсөлд тусгасан байна.

Тус түр хорооны бүрэлдэхүүнээс УИХ-ын гишүүн Л.Оюун-Эрдэнийг хасч, УИХ-ын гишүүн Ө.Энхтүвшин, Х.Нямбаатар нарыг дэмжихийг хуралдаанд оролцсон гишүүдийн олонх дэмжжээ.

Иймд энэ талаарх Байнгын хорооны санал, дүгнэлтийг чуулганы нэгдсэн хуралдаанд танилцуулахаар тогтсон гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ