ТӨВИЙН БҮСИЙН ХУРДАН МОРИНЫ УРАЛДААНД ИХ НАС, СОЁОЛОН, ЭРЛИЙЗ ДУНД НАС УРАЛДУУЛАХААР ШИЙДВЭРЛЭЛЭЭ

56980656_1169943119852918_7111614184520941568_n.jpg ТӨВИЙН БҮСИЙН ХУРДАН МОРИНЫ УРАЛДААНД ИХ НАС, СОЁОЛОН, ЭРЛИЙЗ ДУНД НАС УРАЛДУУЛАХААР ШИЙДВЭРЛЭЛЭЭ

ММСУХ-ны Тэргүүлэгчдийн хурал 2019 оны 04 сарын 15-ны өдөр болж дараах асуудлыг хэлэлцэн шийдвэрлэлээ. Үүнд:
1. Монгол улсын Засгийн газрын шийдвэрээр 2019 оны 05 сарын 12-ны өдөр зохион байгуулагдах Төвийн бүсийн хурдан морины уралдааныг Монголын морин спорт, уяачдын холбоог үүсгэн байгуулагчдын нэг, холбооны анхны ерөнхийлөгч Г.Пунцагбалжир агсны нэрэмжит болгон шийдвэрлэж тус наадмыг зохион байгуулах комиссыг байгууллаа.
2. Төвийн бүсийн хурдан морины уралдааны ангилал, насны ангилалыг тогтоож их нас, соёолон, эрлийз дунд нас уралдуулахаар шийдвэрлэлээ.
3. Монгол улсын Засгийн газраас Шигшмэл хурдан морьдын “Их хурд VIII”- уралдааныг 2019 оны 07 сарын 20, 21-ний өдрүүдэд зохион байгуулахаар шийдвэрлэсэнтэй холбогдуулан тус уралдааныг Монгол туургатны морьтны өв соёлыг харуулсан наадам болгон зохион байгуулахаар баталлаа. Тус уралдааныг “Шигшмэл хурдан морьдын Их хурд-8, Монгол туургатны морьтны өв соёлын наадам” нэртэйгээр зохион байгуулахаар боллоо.
4. Монголын морин спорт, уяачдын холбооны VII Их хурлаар шинэчлэн баталсан дүрэмд “Сахилгын зөвлөл”-тэй байхаар шийдвэрлэсэн байна. Үүний дагуу “Сахилгын зөвлөлийн журам”-ыг тэргүүлэгчдийн хурлаар хэлэлцүүлж саналын зөрүүтэй асуудал гарсан тул дараагийн хурлаар дахин хэлэлцүүлэхээр боллоо.
5. Монголын морин спорт, уяачдын холбоо дэргэдээ “Эрдэмтдийн зөвлөл” байгуулан ажиллахаар боллоо. Тус зөвлөлийг дотроо Хүний хөгжлийн, Адууны хөгжлийн, Соёлын өвийн зөвлөл гэсэн нэгжүүдтэй байхаар шийдвэрлэлээ.
6. Монголын морин спорт, уяачдын холбооны удирдах ажилтаны улсын V зөвлөгөөнийг 2019 оны 04 сарын 23-нд зохион байгуулахаар боллоо.

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ