ҮНЭТЭЙ ХАУС АВСАН МӨНГӨӨР 380 АЖИЛТАН БАЙРТАЙ БОЛОХ БОЛОМЖТОЙ БАЙСАН ГЭВ

57232199_309899549705096_4973252252488695808_n.jpg ҮНЭТЭЙ ХАУС АВСАН МӨНГӨӨР 380 АЖИЛТАН БАЙРТАЙ БОЛОХ БОЛОМЖТОЙ БАЙСАН ГЭВ

УБТЗ ХНН-ийн Дотоод хяналтын албанаас УБТЗ ХНН-ийн даргаар ажиллаж байсан Л.Пүрэвбаатарын 1,5 тэрбум төгрөгийн хаусыг хууль бусаар эзэмшиж байгаа талаар өнөөдөр /2019.04.15/ мэдээлэл хийлээ.

УБТЗ-ын ХНН-ийн хууль хэлтсийн ажилтан Х.Энхсүх  хэлэхдээ “Иргэн Л.Пүрэвбаатар нь 2014 оны арван хоёрдугаар сард төмөр замын удирдах байгууллага болох ТУЗ-ын шийдвэрээр төмөр замын даргаар томилогдож байсан. Даргаар томилогдсон тухайн өдрөө ажил олгогч буюу ерөнхий хороотойгоо контрактын гэрээ байгуулалгүй тухайн үеийн төрийн өмчийн хорооны даргын үүргийг түр орлон гүйцэтгэгч н.Цоггэрэлтэй  хууль бус контрактын гэрээ байгуулсан. н.Цогтгэрэл гэдэг хүн тухайн үедээ УБТЗ ХНН-ийг төлөөлөх эрхгүй этгээд байсан юм. УБТЗ-ыг төлөөлөх эрхгүй хүнтэй хууль бусаар гэрээ байгуулж, түүнд үндэслэн гэрээнд заасан агуулгаар УБТЗ-ын хөрөнгөөр Л.Пүрэвбаатарт өндөр өртөг бүхий хаус авч өгөх заалтыг тусгажээ. Уг заалтын дагуу Л.Пүрэвбаатарт 1,5 тэрбум төгрөгийн өртөгтэй хаусыг төмөр замын хөрөнгөөр худалдаж авсан. Гэвч Л.Пүрэвбаатарыг 2016 оны есдүгээр сард ажил үүрэгтээ хариуцлагагүй хандсан гэдэг үндэслэлээр ажлаас чөлөөлж, ажил олгогчийн зүгээс хангасан байсан албаны орон сууцаа буцаан өгөх шаардлага тавихад Л.Пүрэвбаатар зөвшөөрөөгүй. Иймд УБТЗ ХНН-ээс ХУД-ийн иргэний хэргийн анхан шатны шүүхэд нэхэмжлэл гаргасан. Тухайн үед хэрэг хянан хэлэлцэх явцад Л.Пүрэвбаатар сөрөг нэхэмжлэл гаргаж, анхан шатны шүүхийн шийдвэрээр УБТЗ-ын нэхэмжлэлийг хэрэгсэхгүй болгож, Л.Пүрэвбаатарын нэхэмжлэлийг хангаж шийдвэрлэсэн.

Харин бид 2018 оны дөрөвдүгээр сард Нийслэлийн иргэний хэргийн давж заалдах шүүхэд гомдол гаргаснаар анхан шатны шүүхийн шийдвэрийг өөрчилсөн. Уг шийдвэрийг иргэн Л.Пүрэвбаатар эсэргүүцэж, УДШ-д гомдол гаргасан байна. Дээд шатны шүүхээс Л.Пүрэвбаатарыг хууль бус ашиг сонирхлын зөрчилтэй орон сууц авсныг тогтоож, эцсийн шийдвэрийг тухайн орон сууцыг УБТЗ-ын өмч хэмээн тогтоосон . Гурван шатны шүүхээр тогтоогдсон асуудлыг бид тухайн иргэнд хүргүүлсэн боловч,  Л.Пүрэвбаатар орон сууцыг чөлөөлөхгүй хүндрэл учруулж байна. Тиймээс албадан гүйцэлдүүлэх хүсэлтийг шүүхэд тавьсан байгаа. Шүүхийн шийдвэр гүйцэтгэх ажиллагааг хуульд заасан хэмжээнд эхэлсэн ч арга хэмжээг зогсоох түдгэлзүүлэх аргыг хэрэглэж, шүүхэд дахин нэхэмжлэл гаргасан байгаа юм. Л.Пүрэвбаатарын үнэтэй хаус авсан байгууллагын мөнгөөр 380 ажилтан байртай болгох боломжтой байсан. Учир нь үнэтэй авсан хаусыг худалдан борлуулж мөнгийг нь ажилчдадаа хувааж өгч ипотекийн зээлд хамруулж, орон сууцны хөтөлбөрт хамрагдах боломжтой. Өөрөөр хэлбэл, 381 хүний эрх ашгийг нэг хүн хохироогоод байна” гэв. 

Мөн энэ хурлын үеэр УБТЗ-ын ХНН-ийн дарга асан Л.Пүрэвбаатар сэтгүүлчдэд мэдээлэл хийсэн юм.

Тэрээр “Энэ байрыг төмөр замчдад өгнө гэж худал мэдээлэл хийж байна. Энэ хууран мэхэлж байгаа баримтыг би удахгүй тараана. УБТЗ-ын ТУЗ-ын хурлаар энэ байрыг борлуулаад даргад нь өөр байр авч өгье, эсвэл үүнийг УБТЗ-ийн өмч болгоно гэсэн. Анхан шатны шүүхэд  хандсан учир нь гэрээний үүргээ биелүүлээд өөр байр авч өгөхийг шаардаж байгаа. Б.Цогтгэрэл гэж хүн Оросуудыг хууран мэхэлж байна. Тухайн үед би Б.Цогтгэрэлтэй үр дүнгийн гэрээ байгуулсан. Намайг даргаар томилогдоход энэ компанийг та үр ашигтай ажиллуул, харин намайг байр, машин унаагаар хангана гэсэн үр дүнгийн гэрээ хийсэн” гэлээ.

Ардчилал.мн

Б.Бадралмаа

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ