ХҮҮХДЭЭ ӨӨРТӨӨ ИТГЭЛТЭЙ БОЛГОХОД ЗАРЦУУЛАХ ЕСӨН МИНУТ

download.jpg ХҮҮХДЭЭ ӨӨРТӨӨ ИТГЭЛТЭЙ БОЛГОХОД ЗАРЦУУЛАХ ЕСӨН МИНУТ

Ээж, аав бүр хүүхдийнхээ хүмүүжилд санаа тавьдаг. Хэрхэн өөртөө итгэлтэй, сэтгэлзүйн хувьд хүчирхэг нэгэн болгох вэ гэж санаа зовниж байдаг. Энэ асуултад хариулт болох, Сэтгэл зүйч   Г.Наранбаатарын зөвлөгөөг хүргэе.

ХҮҮХДЭД АСАР ИХ НӨЛӨӨЛӨЛ ҮЗҮҮЛЖ ЧАДАХ ЕСӨН МИНУТ

Хүүхэд дөнгөж сэрсэн эхний гурван минут

Өглөө бүр хүүхдэдээ анхаарлаа хандуулж, ямар зүүд зүүдэлсэн, сайхан амарсан уу гэх мэт асуултыг асуугаарай. Магадгүй духан дээр нь үнсэх, толгойг нь илэх, хамтдаа инээх, хөгжилдөх цагийг гаргаарай.

Хүүхэд хичээл, цэцэрлэгээсээ тарж ирсэн эхний гурван минут

Миний хүү өнөөдөр цэцэрлэг, сургууль дээрээ хэнтэй найзалж, хэнтэй тоглож, юу шинээр сурч, юу юу хийсэн бэ гэж асуугаад хийсэн зүйлсийг нь магтаж, урамшуулаарай. Таны хүү таны урмын үгээр дамжуулан илүү ихийг сурч, илүү ихийг хийх хүсэлтэй болох болно.

Хүүхэд унтахаас өмнөх гурван минут

Орой бүр хүүхдэдээ хайртай гэдэг үгийг хэлж заншаарай. Таны хүүхэд өөртөө итгэлтэй, өөрийгөө бусдаас дор үнэлэхгүй байх боломжийг та энэ цагаар дамжуулан хүүхдэдээ өвлүүлдэг.
Жишээ нь, миний хүү бүгдээс илүү биш гэхдээ бүгдээс онцгой. Учир нь, аавынхаа, ээжийнхээ хайраас, бүгдээс онцгой шүү.

Та хэрвээ энэхүү 9 минутыг шалтаг гаргалгүй хэрэгжүүлж чадвал таны хүүхэд өөрийгөө хайрлагдсан, хүлээн зөвшөөрөгдсөн, үнэ цэнэтэй гэсэн мэдрэмж, ойлголтыг бүрэн дүүрэн авч аав, ээжийнхээ ачаар сэтгэл зүйн хувьд хүчирхэг нэгэн болж өсөх болно.

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ