АН БҮЛЭГГҮЙ БОЛЖ “ЗӨВЛӨЛ” БАЙГУУЛСНАА МЭДЭГДЛЭЭ

vbbvbn.jpg АН БҮЛЭГГҮЙ БОЛЖ “ЗӨВЛӨЛ” БАЙГУУЛСНАА МЭДЭГДЛЭЭ

УИХ дахь Ардчилсан намын бүлэг өнөөдөр /2019.04.09/-нд мэдээлэл хийлээ. Мэдээллийн эхэнд УИХ дахь Ардчилсан намын бүлгийн дарга Д.Эрдэнэбат АН УИХ-д бүлэггүй болж зөвлөл байгуулж байгааг мэдэгдлээ.

Тэрбээр хэлэхдээ “Манай намын бүлэг хуралдаад намын бүлгийн хэмжээнд ажиллах боломжгүй болсон тул зөвлөл байгуулах шийдвэр гаргалаа. Улмаар намын зөвлөлийн даргаар миний бие улиран сонгогдлоо. Тиймээс  өнөөдрөөс эхэлж Ардчилсан нам УИХ-д завсарлага авах боломжгүй боллоо. Гэхдээ бид сөрөг хүчний байр сууриа хангаж ажиллах болно” гэлээ.

Мөн өнгөрсөн долоо хоногт Стандарт банкны өрийг дарсантай холбогдуулан хуулийн зөрчил байгаа эсэхийг шалгах нь зүйтэй гэсэн байр суурийг өнөөдрийн бүлгийн хуралдаанаар хэлэлцсэн тухай мэдээллээ. АН-ын гишүүдийн үзэж байгаагаар "энэ бол Монгол Улсад үүссэн хохирол бөгөөд энэ мөнгийг татвар төлөгчдийн мөнгөөр төлөх ёсгүй, багасгаж төлсөн гэж бахархах зүйл биш" гэнэ.

Түүнчлэн Стандарт банкны өрийг дарсантай холбоотой хэд хэдэн асуудал үүсч байгаа бөгөөд ажлын хэсгийг УИХ-ын гишүүн Д.Пүрэвдоржоор ахлуулан байгуулжээ. Нэгдүгээрт өрийг дарахад хуулийн зөрчил байгаа эсэхийг нягтлах бөгөөд Эрдэнэт үйлдвэрийн эрсдлийн сангаас өр дарах боломжтой эсэх, зуучлагч компани гэж ямар компани байгааг нягтлах, бусад хохирлыг ч мөн тооцох ёстой гэж үзэж байна. 

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ