ХОМ: ЕРӨНХИЙ САЙД У.ХҮРЭЛСҮХ ХАДГАЛАМЖАА ТЭГЛЭЖ, ХАРИЛЦАХ ДАНСАНДАА 1,6 ТЭРБУМ ТӨГРӨГТЭЙ БОЛЖЭЭ

56883624_1007861946078632_1539736567206117376_n.jpg ХОМ: ЕРӨНХИЙ САЙД У.ХҮРЭЛСҮХ ХАДГАЛАМЖАА ТЭГЛЭЖ, ХАРИЛЦАХ ДАНСАНДАА 1,6 ТЭРБУМ ТӨГРӨГТЭЙ БОЛЖЭЭ

Авлигатай Тэмцэх Газраас төрийн өндөр болон тэдэнтэй адилтгах 282 албан тушаалтны хөрөнгө орлогын мэдүүлгийг өнгөрөгч баасан гарагт цахимд байршуулжээ. Тэдгээрээс олны анхаарлын төвд байдаг албан тушаалтнуудын 2018 оны хөрөнгө орлогын мэдүүлгийг цувралаар хүргэж байна.

Ерөнхий сайд У.Хүрэлсүхийн АТГ-т гаргасан хөрөнгө, орлогын мэдүүлэг

Монгол Улсын Ерөнхий сайд, МАН-ын дарга У.Хүрэлсүх АТГ-т хөрөнгө, орлогоо мэдүүлснээр түүний орлого сүүлийн 2 жилд тасралтгүй өссөн байна. Тодруулбал тэрбээр 2018 оны байдлаар 160 сая төгрөгийн орлоготой гэж мэдүүлжээ. Харин түүний гэр бүлийн орлого 2018 онд 00 төгрөг болсон байна. Өмнөх онуудад гэр бүлийнх нь орлого 2.7 орчим сая төгрөг байдаг байжээ. Гэвч тэрхүү орлого нь тасарч 00 төгрөг болжээ.

Цаашилбал Ерөнхий сайд У.Хүрэлсүх “нийтийн орон сууц 1, 1 зуслангийн байшинтай. Эдгээр нь 162 сая төгрөгөөр үнэлэгддэг. 284 сая төгрөгийн үнэлгээ бүхий Mercedes Benz, ML320- 1,Harley Davidson,Harley Davidson- 1,Lexus,570- 1 автомашинуудтай. Эдгээр автомашинууд нь 2014 оноос хойш хэрэглэж байгаа, үнэлгээ нь өөрчлөгдөөгүй. 1.5 га газартай, 100 сая төгрөгийн үнэт эдлэлтэй. Хадгаламж, картын үлдэгдэл нь 00 төгрөг” хэмээн мэдүүлжээ.

Түүний хувьд 2014-2017 онд 1.7 тэрбум төгрөгийн хадгаламжтай гэж мэдүүлж байсан. Гэвч тэрбээр өөрийн нэр дээрх хадгаламжаа тэглэжээ. Харин түүний эзэмшдэг дотоодын банк, санхүүгийн байгууллагын дансанд нь 1.6 тэрбум төгрөг бий гэж мэдүүлжээ.

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ