КАРАТЭ ХАСАГДАЖ, БРЕЙК БҮЖИГ ОЛИМПОД ОРЛОО

karate-boi.jpg КАРАТЭ ХАСАГДАЖ, БРЕЙК БҮЖИГ ОЛИМПОД ОРЛОО

Ирэх жил Японы нийслэлд болох “Токио 2020” олимпийн наадмын хөтөлбөрт каратэ багтаж, тус спортоор хичээллэгчдийн баярлаж байсан цаг саяхан. Гэвч харамсалтай нь каратэгийн олимпийн уралдаан ганцхан олимпиор дуусах учиртай байжээ.

ОУОХ-ноос 2024 оны Францын Парист явагдах олимпийн наадмын хөтөлбөрөөс каратэг хассанаа зарлалаа. Оронд нь брейк бүжгийн спорт “Парис 2024” наадмын хөтөлбөрт орж байгаа юм. Мөн хаданд авиралт, скейтбординг, серфингийн төрлүүд нэмэлт төрөл болон олимпод багтсан байна. Брейк бүжиг 2018 ны Залуучуудын олимпийн хөтөлбөрт багтаж байлаа.

Дэлхийн каратэ холбооноос (WKF) “Парис 2024” наадмыг зохион байгуулагчдаас яагаад каратэ хасагдсан талаар тайлбар нэхсэн ч хариу аваагүй байна. WKF холбооны ерөнхийлөгч Антонио Эспиноса “Бид 2020 онд анх удаагаа олимпод оролцоно. Анхны наадам маань эхлээгүй байхад биднийг олимпиос хасчихлаа. Манай холбоо маш их ажил хийсэн ч мөрөөдөл минь унтарлаа” гэж мэдэгджээ.

Эх сурвалж: Zindaa.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ