"ЭРДЭНЭТ" ҮЙЛДВЭРИЙН ДАРГА Х.БАДАМСҮРЭН ХАЛАГДАЖ, У.ХҮРЭЛСҮХИЙН НАЙЗ ДАРГААР ТОМИЛОГДОХ УУ?

content_photo_(1).jpg "ЭРДЭНЭТ" ҮЙЛДВЭРИЙН ДАРГА Х.БАДАМСҮРЭН ХАЛАГДАЖ, У.ХҮРЭЛСҮХИЙН НАЙЗ ДАРГААР ТОМИЛОГДОХ УУ?

"Эрдэнэт үйлдвэр"-ийн даргыг өөрчлөн томилохоор болсон тухай "бор шувуу" нисээд эхэлжээ. Тодруулбал, Уулын баяжуулах "Эрдэнэт" үйлдвэрийн дарга Х.Бадамсүрэнг халж, түүний оронд Ашигт малтмал, Газрын тосны газрын даргаар ажиллаж буй Х.Хэрлэнг томилохоор болсон тухай эх сурвалжууд мэдээлж эхэллээ.

Эх сурвалжуудын мэдээлж байгаагаар тус халаа, сэлгээг маргааш болох Засгийн газрын хуралдаанаар шийдэж магадгүй гэнэ. Одоогийн дарга Х.Бадамсүрэнг 2016 онд тус үйлдвэрийн ТУЗ-ийн шийдвэрээр томилж байсан юм.

Харин тус үйлдвэрийн даргад шинээр яригдаж байгаа Х.Хэрлэн нь Ерөнхий сайд У.Хүрэлсүхтэй нэг нутгийнх бөгөөд цаашилбал дотны найз ч  хэмээн хэвлэлүүд мэдээлж байна. Тэрээр 1967 онд Хэнтий аймгийн Өндөрхаан хотод төрсөн. Барилгын инженер, эрхзүйч мэргэжилтэй. Өмнө нь ТӨХ-ны Төрийн өмчийн удирдлага, хувьчлалын газрын дарга, “Монголын Төмөр Зам”  ТӨХК-ийн Гүйцэтгэх захирал, Үйлдвэр Худалдааны Яамны Хөнгөн үйлдвэрийн газрын орлогч даргаар ажиллаж байсан нэгэн гэнэ.

Түүнчлэн У.Хүрэлсүхийн Засгийн газар байгуулагдах үеэр Х.Хэрлэнг “Эрдэнэт” үйлдвэрийн Ерөнхий захирлаар томилогдох асуудал яригдаж байжээ. Гэвч түүнийг 2017 оны 12 дугаар сард Ашигт малтмал, Газрын тосны газрын даргаар томилж байжээ. 

Дашрамд дуулгахад Монгол Улсын Засгийн газраас "Эрдэнэт" үйлдвэрт 2019 оны гуравдугаар сарын 6-наас эхлэн зургаан сарын хугацаатай онцгой дэглэм тогтоож, зарим албан тушаалтныг ажлаас нь чөлөөлж, өрөөг нь битүүмжлээд байгаа билээ. 

А.ТАМИР

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ