ЭКС ЕРӨНХИЙЛӨГЧИЙН АЖЛЫН ӨРӨӨНӨӨС 1000 ГАРУЙ УРАН ЗУРАГ ХУРААСАН ГЭДЭГ ХУДЛАА МЭДЭЭЛЭЛ ГЭВ

79aed0_MPA_PHOTO_2017_-3702_x974.jpg ЭКС ЕРӨНХИЙЛӨГЧИЙН АЖЛЫН ӨРӨӨНӨӨС 1000 ГАРУЙ УРАН ЗУРАГ ХУРААСАН ГЭДЭГ ХУДЛАА МЭДЭЭЛЭЛ ГЭВ

Одоогийн Ерөнхийлөгч Х.Баттулгын зүгээс экс Ерөнхийлөгч асан Ц.Элбэгдоржийг шалгуулахаар 178 хуудас материалыг Ерөнхий прокурор М.Энх-Амгаланд өгсөн байдаг. Улмаар прокурорын байгууллагаас уг бичиг баримтыг АТГ-т хүргүүлснээр АТГ-аас Ерөнхийлөгч асан Ц.Элбэгдоржоос Таван толгойн асуудлаар гэрчийн мэдүүлэг авсан. 

Ингэхдээ экс Ерөнхийлөгч Ц.Элбэгдорж өмнөх Ерөнхийлөгч Н.Энхбаяр, одоогийн Ерөнхийлөгч Х.Баттулга нар шиг хууль дуудахад зугтаагаагүй билээ. Тэрээр амласан ёсоор хууль дуудахад гутлаа тослоод, зангиагаа засаад очсон байдаг.

Тэгвэл өчигдөр орой ЭЦА-аас экс Ерөнхийлөгч Ц.Элбэгдоржийн эхнэрийн дүүгийнх нь ажлын газарт шалгалт хийжээ. Ингэхдээ тус байгууллагын хананд байдаг зургуудаас нь цөөн тооны адил төстэй ганц, хоёр зургийг авч явсан байна.

Баттай эх сурвалжийн мэдээлж байгаагаар зарим хэвлэлүүдэд гараад байгаа “Ц.Элбэгдоржийн ажлын өрөөнд нэгжлэг хийж, 1000 гаруй уран зураг хурааж авсан” гэдэг мэдээлэл ор худал, үндэслэлгүй, сенсааци дэгдээсэн мэдээлэл гэнэ. 

Тодруулбал, ЭЦА-ны албанаас экс Ерөнхийлөгч Ц.Элбэгдоржийн ажлын өрөөнөөс бус түүний эхнэрийн дүүгийн ажлын газарт шалгалт явуулж, хананд нь өлгөөтэй байсан адил төстэй ганц, хоёр зургийг баримт болгон авч явсан байна.

Энэ талаар экс Ерөнхийлөгч Ц.Элбэгдорж өөрөө ч твиттер хуудастаа “Женко технолог. Таван толгойд бүрдүүлсэн цаас нь болохоо байсан уу! Эсвэл 10 хоногийн өмнө төрд шахсан 280сая $-ын шороо нь олны анхааралд орох гээд байна уу. ШХАБ-д гишүүнээр элсэх санаархал нь бүтэхээ байсан уу. Миний өрөөнд нэгжлэг болоогүй. Би зураг цуглуулдаг,зураг хулгайлдаггүй” гэж жиргэжээ.

А.ТАМИР

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ