КАЗАКСТАНЫ ЕРӨНХИЙЛӨГЧ НУРСУЛТАН НАЗАРБАЕВ ОГЦОРЛОО

EA2762F8-315E-4B42-868E-ACEE315BFC99.jpeg КАЗАКСТАНЫ ЕРӨНХИЙЛӨГЧ НУРСУЛТАН НАЗАРБАЕВ ОГЦОРЛОО

Казакстан улсыг 28 жилийн турш удирдсан, тус улсын Ерөнхийлөгч Нурсултан Назарбаев өнөөдөр /2019.03.19/ ард түмэндээ хандаж хэлсэн үгэндээ албан тушаалаасаа огцорч байгаагаа зарлалаа. Тэрбээр маргааш буюу гуравдугаар сарын 20-ны өдөр Ерөнхийлөгчийн суудлаа хүлээлгэн өгөх ажээ.  Түүний Засгийн газар 1990 оны дөрөвдүгээр сарын 24-ны өдөр байгуулагдсан бөгөөд тэрбээр тав дахь удаагаа улиран сонгогдоод байсан юм.

Өдгөө 78 настай Назарбаев албан тушаалаасаа буух болсон шалтгаанаа хэлээгүй ч үүрэгт ажлаа албан ёсоор хүлээлгэн өгснийхөө дараа Улсын аюулгүйн зөвлөлийг толгойлон ажиллана гэдгээ хэлжээ. Дараагийн Ерөнхийлөгчийг сонготол Дээд танхимын дарга Касым Жонат Ерөнхийлөгчийн үүргийг түр орлон гүйцэтгэх ажээ.

Нурсултан Назарбаев нь Засгийн газрын гаргасан тогтоол шийдвэрийг хэрэгжүүлэх, эдийн засгийн дэмжих, ард иргэдийн амьжиргааг сайжруулах дорвитой арга хэмжээ аваагүй, зөвхөн эрчим хүчний салбараас хэт хамааралтай ажиллаж байна гэх шалтгаанаар Ерөнхий сайд Бакытжан Сагинтаевын удирдсан Засгийн газрыг хоёрдугаар сарын 21-нд тараасан бөгөөд ийнхүү сарын дараа өөрөө огцорч байна.

Эх сурвалж:REUTERS

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ