А.УУГАНБАЯР: “KFC”-ИЙН САЛБАРААР ҮЙЛЧЛҮҮЛСНИЙ ДАРАА ХОРДЛОГО АВСАН

51948985_2278332528846720_8241361381333401600_n.jpg А.УУГАНБАЯР: “KFC”-ИЙН САЛБАРААР ҮЙЛЧЛҮҮЛСНИЙ ДАРАА ХОРДЛОГО АВСАН

“KFC” сүлжээ хоолны газрын 25-р эмийн сангийн тэндэх салбараар 2019 оны гуравдугаар сарын 18-нд үйлчлүүлсэн иргэний хүүхэд  хордлого авч ХӨСҮТ-д очсон талаар бид өмнө мэдээлсэн. Улмаар тус түргэн хоолны газраар үйлчлүүлээд хордлого авсан гэх хүүхдийн аавтай утсаар холбогдож дэлгэрэнгүй мэдээлэл авлаа.

-KFC түргэн хоолны газраар үйлчлүүлж, хүүхэд тань хордлого авсан гэлээ. Энэ үнэн үү?

 -Үнэн. Бид 25-р эмийн санд байрлах “КFC-ийн салбараар өчигдөр орой 19 цагийн үед үйлчлүүлсэн. Бид “Curry”-тай багцыг захиалан идсэн юм. Үүнээс хоёр цагийн дараа хүүхдийн маань гэдэс нь өвдөж, дотор нь муухайрч эхэлсэн. Иймд ХӨСҮТ-д шөнийн нэг цагийн үед ирээд, шууд эмнэлэгт хэвтсэн.

-Хүүхдийн тань биеийн байдал ямар байна вэ?

-Одоогоор хүүхдийн маань биеийн байдал өчигдөрийнхөөсөө арай дээрдэж байна. Анх эмнэлэгт хүргэгдэж ирэхдээ хүү маань гүйлгэж, бөөлжсөнөөсөө болоод бие нь их сульдсан байсан. Эмчилгээ тасралтгүй хийлгэж байгаа болохоор арай дээрдлээ.

-Өөрт чинь хордлогын шинж тэмдэг илэрсэн үү?

-Би өөрөө ч гэсэн идсэн. Бас жаахан гүйлгээд байгаа. Намайг ч гэсэн хэвт гэсэн. Хүүхдээ харж байгаа болохоор хэвтэж чадаагүй байна.

-Саяхан тус хоолны газраар үйлчлүүлсэн хүүхэд хордлого авсан гэх мэдээлэл гарсан. Тантай хамт хэвтэж байгаа хүүхэд байгаа юу?

-КFC-ийн салбараар үйлчлүүлээд  хордлого авсан хүн байгаа гэсэн. Тэр хүн эндээс гараад Эх Нялхсын эмнэлэгт хэвтсэн гэсэн. 

KFC-ийн хоолноос хордлого авсан нь тогтоогдсон уу?

Манай хүүхдийн тухайд юунаас хордлого авсан нь одоохондоо гараагүй байна. Биднийг нэг цагт ирэхэд шинжилгээ авсан, өглөө бас авсан. Шинжилгээний хариу хэзээ гарах нь тодорхойгүй байна. Гэхдээ KFC-ээр үйлчлүүлсний дараа ийм зүйл болсон нь үнэн.

Энэ талаар холбогдох газарт гомдол хүргүүлсэн үү?

-Одоохондоо хүүхдээ сахиад эмнэлэг дээр байгаа болохоор гомдол гаргаж чадаагүй байна.

Б.Бадралмаа

Ардчилал.мн

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ