ДӨРВӨН НАСТАЙ ХҮҮГ ОРОНДОО ШЭЭЛЭЭ ХЭМЭЭН ЗОДОЖ БИЕД НЬ ХҮНД ГЭМТЭЛ УЧРУУЛЖЭЭ

cd744818e159116c578a1bbfc4592257.jpg ДӨРВӨН НАСТАЙ ХҮҮГ ОРОНДОО ШЭЭЛЭЭ ХЭМЭЭН ЗОДОЖ БИЕД НЬ ХҮНД ГЭМТЭЛ УЧРУУЛЖЭЭ

2019 оны гуравдугаар сарын 13-нд ГССҮТ-д дөрвөн настай хүү хойд эцэгтэй зодуулж, хүнд гэмтэлтэй эмнэлэгт иржээ. Тодруулбал иргэн О 2019 оны гуравдугаар сарын 10-ны өдөр бага хүүхдийн хамт Дархан-Уул аймаг руу явжээ. Харин зургаан настай, дөрвөн настай хоёр хүүгээ  хойд эцэгтэй нь гэртээ үлдээсэн байна.

Улмаар ээжийг нь хөдөө явсан хойгуур хойд эцэг нь дөрвөн настай хүүг орондоо шээлээ хэмээн зодож, биед нь хүнд гэмтэл учруулсан байна. Хүүгийн ээж гурав хоногийн дараа гэртээ ирж хүүгээ эмнэлэгт авч иржээ. Хүүг эмнэлэгт үзүүлэхэд гарны тохой хугаралтай, хөл нь зөөлөн эдийн гэмтэлтэй, хэвлийн эход харуулахад дотор эрхтэн нь маш их гэмтэлтэй, дотуур цус алдалттай, элэг, дэлүү нь няцралтай гэсэн оноштой гарсан байна. Тиймээс 2019 оны 3-р сарын 13-наас хойш ГССҮТ-ийн эрчимт эмчилгээний тасагт хэвтэн эмчлүүлжээ. Тэрчлэн өчигдөр буюу гуравдугаар сарын 18-нд хүү хагалгаанд орсон бөгөөд биеийн байдал тааруу байгаа гэдгийг ар гэрээс мэдээлээд байгаа юм.

Хэрэг мөрдөн байцаах шатандаа явж байгаа тул О-гийн нөхрийг гэм буруутай хэмээн үзэх боломжгүй гэдгийг цагдаагийн байгууллагаас мэдээллээ. Иргэн О нь нөхөртэйгөө хоёр жилийн өмнө гэр бүл болсон бөгөөд гурван хүүхэдтэй аж. Харин түүний бага хүүхэд нь одоогийн нөхрийнх хүүхэд бөгөөд үлдсэн хоёр нь дагавар хүүхэд гэлээ.

Ардчилал.мн

Б.Бадралмаа

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ