"KFC"-Д ДАХИН ИРГЭД ХОРДЖЭЭ

баскет-дует-348x350.png "KFC"-Д ДАХИН ИРГЭД ХОРДЖЭЭ

“KFC” сүлжээ рестораны Зайсан дахь салбарт иргэд хордсон хэрэг гарснаас хойш сар гаруйн хугацаа өнгөрсөн. Нийслэлийн мэргэжлийн хяналтын газраас бүтээгдэхүүнд хийсэн шинжилгээний урьдчилсан дүгнэлтээр уснаас гэдэсний бүлгийг эмгэг төрүүлэгч, халуунд тэсвэртэй нян илэрсэн болохыг мэдэгдсэн билээ.

Шалгалтын эцсийн дүгнэлтийг маргааш танилцуулахаар болжээ. Одоогоор "KFC" сүлжээ рестораны бусад салбаруудад хийсэн хяналт шалгалтын дүнг албан ёсоор мэдэгдээгүй байгаа бөгөөд үйл ажиллагаагаа нь хэвийн үргэлжилж буй юм.

Түүнчлэн Зайсан дахь "KFC" сүлжээ ресторанд Зөрчлийн тухай хуулиар есөн сая төгрөгийн торгууль оногдуулахаар болсон тухай мэдээлэл цацагдаад байна. Тэгвэл тус сүлжээгээр үйлчлүүлсэн иргэдэд дахин хордлогийн шинж тэмдэг илэрчээ.

Тодруулбал, нэгэн иргэн өчигдөр /2019.03.18/ хүүхдийнхээ хамт 25-р эмийн сангийн “KFC” сүлжээгээр үйлчлүүлж, карритай багц худалдан авч идээд хордлогод орж, эмнэлэгт хэвтсэн тухайгаа цахим хуудастаа нийтлэжээ.

Тэрээр “Хүмүүс минь битгий KFC идээрэй!!! Хайртай үртэйгээ хамт халдвартад хэвтчлээ шүү дээ... Асуудалгүй болж, хариуцлагатай хандсан байх гэж  итгээд үйлчлүүлсэн. Миний буруу байжээ. Би өөрөө гайгүй байна. Гол нь хүүхэд минь л байна. Дэмий л идүүлжээ. Шууд л дотор нь муухайраад бөөлжөөд гэдэс нь өвдөж эхэлсэн. Халдвартын хүлээн авах руу очиж үзүүлэхэд эмч нь цаг алдаагүй хурдан ирсэн нь сайн хэрэг гэлээ" хэмээн олон нийтэд анхааруулсан постыг өөрийн нүүр номондоо тавьжээ.  Энэ талаар бид эргэн мэдээлэх болно.

 

А.ТАМИР

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ