О.БААСАНХҮҮ ГИШҮҮНИЙ ЗОВЛОН

content_photo.jpg О.БААСАНХҮҮ ГИШҮҮНИЙ ЗОВЛОН

Ээлжит бус чуулган эхэлсэнтэй холбогдуулан энд, тэнд сэлгүүцэж явсан УИХ-ын гишүүд ордондоо цуглажээ. Тэд цөмөөрөө л хэлэлцэх гэж буй наймхан асуудлынхаа талаар хошуу уралдуулж, хэвлэлээр бурж эхэлжээ. Тэдний адилаар  УИХ-ын О.Баасанхүү хэвлэлд ярилцлага өгчээ.

Ингэхдээ тэрээр голчлон Швейцарт аялсан тэмдэглэлээсээ ярьсан байна. Түүнээс сэтгүүлч Т.Аюурсайхан гишүүний авч ирсэн алдарт С.Баярцогтын дансны хуулгыг асуухад “би түүний асрагч биш. Хүний цүнхэнд юу явааг ер нь би яаж мэдлээ” хэмээн өмөөрөх аясыг үзүүлээд бултжээ.

Тэрчлэн мань хүн өрөөлийн асуудлыг ярихаас илүүтэй өөрийн зовлонгоо тоочжээ. Тэрээр “Би их зовлонтой хүн шүү дээ. Манай МАХН-ын дарга нь өөрөө маш их асуудалтай. Тойрсон хүмүүсийн ихэнх нь хулгайч. Тийм учраас нөгөө попууд МАХН гэсэн дөрвөн үсэгтэй намд очиж наалдаад, намыг маань булаах зорилгоор УИХ-ын гишүүн О.Баасанхүү гэдэг хүний рейтинг унагаах гэсэн, намын шинэчлэлийг нь байхгүй болгож, шүүхэд нөлөөлж, жинхэнэ хууль ёсны гарах шийдвэрүүдийг гаргуулахгүй байна. 

Ний нуугүй хэлэхэд МАХН маань МАНАН-гийн халаасанд орчхоод байгаа юм.  Тэгээд хуулийн хүрээнд ярьж байгаа зүйлсийг өөрсдийнхөө хэвлэл мэдээллийн хэрэгслүүдээр гаргаж нэр төр гутаах гэдэг. Гутааж болно, гэхдээ Монгол төрд хохиролгүйгээр юм хиймээр байна” хэмээн ярьжээ.

А.Тамир

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ