АЛГА УРВУУЛАХЫН ЗУУРТ ХУДАЛ ЯРЬДАГ ГИШҮҮН

128d6b_MPA_PHOTO_2016-3483_x974.jpg АЛГА УРВУУЛАХЫН ЗУУРТ ХУДАЛ ЯРЬДАГ ГИШҮҮН

Будаач, будаач гэхээр сахлаа будав гэгчийн үлгэр эхэллээ. Саяхны нэгэн өдөр УИХ-ын гишүүн Т.Аюурсайхан олныг сортосхийлгэсэн мэдээлэл хийлээ. Түүнийхээ хариуд амралтын өдрүүдээр улс даяар шодрогос яллаа, жинхэнэ гишүүн, Аюурсайханг АТГ-ын дарга болгоё хэмээн магтуулж гарав аа.

Учир нь мань гишүүн Швейцарь улсад аялал, айлчлал /УИХ-ын дарга, гишүүдийн хамт/ хийж ирүүтээ л дээрх мэдэгдлийг хийж олныг ангайлгах нь тэр. Юун түрүүнд Т.Аюурсайхан гишүүний зурагтаар ярьсан мэдэгдлийг хүргэе.

Тэрээр “Швейцарын Холбооны Улсаас "Credit Suisse AG" банк дахь С.Баярцогтын ам.долларын 3, еврогийн 2, нийт 5 дансны 2008.09.30-2013.12.31 хугацааны гүйлгээний дэлгэрэнгүй хуулгыг Монголын талд хүлээлгэж өгснийг өнөөдөр өглөө авч ирлээ. ГХЯ-аар дамжиж АТГ-т хүргэгдэж байна. Оюу Толгойн гэрээтэй холбоотой харилцаа тогтоогдвол гэрээг дахин авч үзэх эрх зүйн үндэслэл болох чухал ач холбогдолтой. Өмнө нь нэг дансны зөвхөн үлдэгдэл мөнгө мэдэгдсэн бол одоо орсон, гарсан бүхий л мөнгөн гүйлгээ эзэн холбогдогчидтойгоо ирлээ. Зөвхөн Оюу Толгой биш, өөр олон луйврын харилцааг эзэдтэй нь эдгээр данснуудын гүйлгээ агуулж байж болзошгүй учраас нарийвчлан шалгуулах болно” гэсэн юм.

Уг нь С.Баярцогтын дансны хуулгыг авах асуудлыг манай хууль хүчнийхэн, АТГ-ынхан аюулын сүрхий хөөцөлдөж байсан дуулддаг юм. Гэтэл тэдний өмнүүр УИХ-ын гишүүн Т.Аюурсайхан өрсчихжээ дээ. Эрхэм гишүүний ярьж буйгаар бол тэрээр Швейцарын нэг банканд доллар солиулах зуураа теллерээс нь “Сайн байна уу, ах нь Монголоос ирсэн. Монголын УИХ-ын гишүүн хүн байна. Миний дүү боломжтой бол ахдаа манай С.Баярцогтын дансны хуулгыг хэвлээд өгчихгүй юу. За тэгье, тэгье гишүүн ахаа одоохон таньд хэвлээд өгье” гэсэн шүү үйл явдал болсон юм даг уу даа.

Тэгтэл олныг шагшуулсан УИХ-ын гишүүн Т.Аюурсайханы баатарлаг мэдэгдлийг өчигдөрхөн УИХ-ын гишүүн Б.Пүрэвдорж үгүйсгэж, нураачих ваа хөөрхий.

Тус улсад Т.Аюурсайхан нартай хамт аялсан хүн бол УИХ-ын гишүүн Б.Пүрэвдорж юм. Тэрээр хэлсэн үгэндээ “Швейцарьт гишүүд ажиллах үеэрээ тус улсын хууль хяналтынхантай огт уулзаагүй. Т.Аюурсайхан ганцаараа шөнө дөлөөр уулзчихаагүй л бол өдрийн цагаар ийм уулзалт болоогүй. С.Баярцогтод хамаарах дансны мэдээлэл биднийг Швейцарт айлчлахаас 14 хоногийн өмнө Гадаад харилцааны яаманд ирсэн юм билээ. Харин Швейцарын холбооны улсын удирдах албан тушаалтнууд "Манай улсыг оффшор бүсэд оруулсанд эсэргүүцэж байна” гэж дургүйцлээ л илэрхийлсэн” гэж онцолсон билээ.

Ингэж л УИХ-ын гишүүн Т.Аюурсайханы ээлжит баатарлаг мэдэгдлийн цэс нь цухуйж, худал ярьсан нь нотлогдсон юм. Хамт явсан УИХ-ын гишүүн Б.Пүрэвдорж түүний үйлдлийг нотлохгүй бол өөр хэн нотлох вэ дээ.

Харин алга урвуулахын зуурт худал ярьдаг гишүүн маань зохиосон үлгэртээ одоог хүртэл итгэчихсэн яваа гэнэ. Тэрээр тун удахгүй Ерөнхий сайд асан С.Баярын дансны хуулгыг авч ирэх юм гэнэ лээ...

А.ТАМИР

АРДЧИЛАЛ.МН

 

Мэдээ таалагдсан бол лайк дарна уу:

СЭТГЭГДЭЛ (3)

by 2019-03-19

Пүрэвдорж хэцүү юмны учрыг олдоггүй хүн ш дээ

by 2019-03-19

Будаа ч биш будаач

by 2019-03-21

Шинэ номтойбаяр л бна

ШИНЭ МЭДЭЭ