ОДОО Ц.ЭЛБЭГДОРЖИЙГ ЦЕНЗУРГҮЙ ЯРИУЛЪЯ

zzad.jpg ОДОО Ц.ЭЛБЭГДОРЖИЙГ ЦЕНЗУРГҮЙ ЯРИУЛЪЯ

Өчигдөр гарсан “Цензургүй яриа” нэвтрүүлэгт зочноор Ерөнхий сайд асан Н.Алтанхуягийн ахлах зөвлөхөөр ажиллаж байсан “нүүрсний” хэмээх Л.Гансүх оролцлоо. Тэрбээр тус нэвтрүүлэгт Багануурын нүүрсийг иргэдэд хэрхэн савлаж зарсан. Түүнээсээ болж хэрхэн ял эдэлсэн тухайгаа. Тэгээд барамгүй экс Ерөнхийлөгч Ц.Элбэгдоржийн бий болгосон гэгдэх шударга бусын хонгилыг хэрхэн туулсан тухайгаа ярьсан юм.

Тэгвэл иргэд олон нийтийн зүгээс “Цензургүй яриа” нэвтрүүлгийн дараагийн зочноор экс Ерөнхийлөгч Ц.Элбэгдоржийг оруулахыг уриалжээ. Учир нь олон нийт дан ганц нэг талын байр сууринд төдийлөн итгэхээ байжээ. Тиймээс тус нэвтрүүлгийн дараачийн зочноор Ц.Элбэгдоржийг нэрлэж сэтгүүлч Л.Мөнхбаясгаланд хаяглажээ.

Түүнчлэн экс Ерөнхийлөгч Ц.Элбэгдоржийн зүгээс ч өөрийн твиттер хуудаснаа “Цензургүйд оролгүй 2 жил болж. Уг нь жил бүрийн хавар уулзаж байя гэж тохиролцсон юм. Миний тухай ярина. Намайг оруулахгүй. Шударга биш болчих гээд байх шиг. Мөнхбаясгалаан шууд, цензургүй, өчигдрийнх шиг цаг сунгаад нэг сууя. Удирдлагатайгаа ярилцаад хэлээрэй. Би гүйгээд очноо” хэмээсэн байна.

Ийнхүү олон нийт хийгээд экс Ерөнхийлөгч Ц.Элбэгдоржийн зүгээс цензургүй ярилцахыг хүсчээ. Тиймээс сэтгүүлч Л.Мөнхбаясгалан эзний заавраар хөдөлдөггүйгээ баталж Ц.Элбэгдоржийг “цензургүй яриа”-нд урих үлдлээ.

А.Тамир

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ