ЗАЛУУ ТЭРБУМТНУУДЫН ЖАГСААЛТЫГ КАЙЛИ ЖЕННЕР ТЭРГҮҮЛЖЭЭ

1e3679405500d67115417af38f7f7414_1200.jpg ЗАЛУУ ТЭРБУМТНУУДЫН ЖАГСААЛТЫГ КАЙЛИ ЖЕННЕР ТЭРГҮҮЛЖЭЭ

 “Forbes” сэтгүүлийн хамгийн залуу тэрбумтнуудын жагсаалтыг өдгөө 21 настай, загвар өмсөгч Кайли Женнер тэргүүлжээ.

Кайли Женнерийн хөрөнгө 1 тэрбум ам.доллароор үнэлэгдэж, “Facebook”-ийн тэргүүн Марк Цукербергийн дээд амжилтыг эвджээ. Марк Цукерберг 22 насандаа ийм хэмжээний хөрөнгөтэй болж байв.

“Forbes” сэтгүүлд мэдээлснээр, Женнер гоо сайхны бүтээгдэхүүн үйлдвэрлэгч “Kylie Cosmetics” компаниа ганцаараа эзэмшдэг байна. Залуу тэрбумтан бүсгүй тус компанийг 2015 онд байгуулжээ. Кайли Женнер бол Кардашьян Женнерийн гэр бүлийн гишүүн юм. 1997 онд төрсөн тэрбээр анх загвар өмсөгчийн хувиар болон дэлгэцээр олны танил болсон бөгөөд “Кардашьяны гэр бүл” /“Keeping Up with the Kardashians”/ реалити-шоуны оролцогч юм. 

Женнер “Instagram”-д хамгийн олон дагагчтай хүмүүсийн жагсаалтад долдугаарт ордог. Тэрбээр 129 сая дагагчтай байна. Жилийн өмнө дөнгөж мэндэлсэн бяцхан охинтойгоо авахуулсан зураг нь уг сүлжээнд хамгийн олон буюу 18.7 сая лайк авчээ. 

Эх сурвалж:sosa.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ