Өршөөлөөр суллагдсан этгээдүүд дээрэм үйлджээ

xsd54gb15df41gb+.jpg Өршөөлөөр суллагдсан этгээдүүд дээрэм үйлджээ

Өнгөрсөн шөнө 30 гаруй хүнийг хутгалан гэмтээсэн тухай бид мэдээлсэн. Тэгвэл энэ хэргийн талаар Цагдаагийн ерөнхий газрын Хэвлэл, мэдээллийн төвөөс мэдээлэл хийлээ.

2016.10.10-ны 00:00 цагийн үед цагдаагийн байгууллагад Сүхбаатар дүүргийн 1-р хороонд байрлах орон сууцанд зодоон болж байна гэсэн дуудлага ирсэн байна. Уг дуудлагын дагуу цагдаагийн байгууллага шуурхай ажиллахад тус хороонд байрлах ... байранд нэр бүхий 10 этгээд рүү А, Б гэгч этгээдүүд хэсэг бүлэг залуусын хамтаар зэвсэг, зэвсгийн шинж чанартай зүйл ашиглан биед нь халдаж, онц их хэмжээний мөнгө эд зүйл дээрэмдсэн хэрэг гарчээ.

Тухайн гэмт хэргийг үйлдсэн А, Б нарыг одоогоор цагдан хорьж байгаа бөгөөд тэдэнтэй хамт байсан этгээдүүдийг эрэн сурвалжилж байгаа аж.

Хэргийг үйлдэгчид архи, согтууруулах ундаа хэрэглээгүй байсан бөгөөд өмнө нь ялж эдэлж байсан, өршөөлөөр суллагдсан байжээ. Харин тус халдлагад өртсөн 10 хүн нь 25-31 насныхан бөгөөд хоёрийнх нь биеийн байдал хүнд байгаа ба ГССҮТ-д хэвтэн эмчлүүлж байгаа аж. Бусад нь хөнгөн зэргийн гэмтэлтэй бөгөөд мэдүүлэг тайлбар өгөөд явж байгаа гэнэ.

 

Эх сурвалж:www.time.mn

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ