Л.ОЮУН-ЭРДЭНЭ: ЭРДЭНЭТИЙН 49 ХУВИЙГ 400 САЯ 727 МЯНГАН АМ.ДОЛЛАРААР ХУДАЛДАЖ АВСАН БАЙНА

47062159_509235449576476_5579616929338884096_n.jpg Л.ОЮУН-ЭРДЭНЭ: ЭРДЭНЭТИЙН 49 ХУВИЙГ 400 САЯ 727 МЯНГАН АМ.ДОЛЛАРААР ХУДАЛДАЖ АВСАН БАЙНА

ЗГХЭГ-ын дарга Л.Оюун-Эрдэнэ Засгийн газрын хуралдаанаар хэлэлцсэн болон бусад цаг үеийн асуудлаар мэдээлэл хийлээ.

Л.Оюун-Эрдэнэ: Өнөөдрийн Засгийн газрын хуралдаанаар 2016 оны 32 дугаар тэмдэглэл, "Эрдэнэт үйлдвэр" хувьцаат компани болон "Монголросцветмет" нэгдлийн талаар авсан зарим арга хэмжээний тухай тэмдэглэлийг нууцаас гаргаж байна. Энэ тэмдэглэлийг яагаад нууцаас гаргах болсон нь хэд хэдэн учир шалтгаантай. 1973 оны 11 дүгээр сарын 22-ны өдөр Монгол Зөвлөлтийн хамтарсан Эрдэнэт үйлдвэрийн байгуулах хоёр улсын хэлэлцээр байгуулагдаж, 1978 онд Эрдэнэт үйлдвэр байгуулагдсан. Эрдэнэт үйлдвэр хамгийн сүүлчийн байдлаар 62 жилийн нөөцтэй стратегийн чухал орд юм гэдэг ТЭЗҮ гарсан. Ашиггүй үйлдвэр биш гэдэг нь энэхүү ТЭЗҮ-ээс харагддаг.

2016 оны есдүгээр сарын 09-ний өдөр Засгийн газар хаалттай хуралдаж 32 дугаар тэмдэглэлээр Аж үйлдвэрийн сайд Д.Эрдэнэбат мэдээлэл хийж Монгол улсын ЗГ хөрөнгө оруулалтын боломжгүй учраас давуу эрхээсээ татгалзаж Монголын зэс корпорацид худалдах тухай танилцуулгыг хийсэн байна. . Энэхүү хурлын тэмдэглэлийг тодорхойгүй шалтгаанаар нууцын зэрэглэлд байлгаад байсан байдаг. 

УИХ-ын 23 дугаар тогтоолоор ЗГ-ын 337 дугаар тогтоолыг хүчингүй болсонд тооцоод Сангийн яам, Монгол банк, Хөгжлийн банкнаас авсан эх үүсвэрийг нягтлаад төрийн өмчид шилжүүлэн авах хэлцэл хийхийг үүрэг болгосон. Засгийн газрын долдугаар тогтоолоор Эрдэнэт үйлдвэрийн 43 хувийн энгийн хувьцааг суутган тооцож, төрийн өмчид шилжүүлэх 23 дугаар тогтоолыг гаргах долдугаар тогтоол гарсан. Ялангуяа УИХ-ын тогтоол ҮХЦ-ийн дүгнэлтээр үндсэн хуулийн зөрчилгүй гэдэг нь тогтоогдсон юм.

Гэтэл "Монголын зэс корпораци" нэхэмжлэлтэй шүүхийн маргаан гаргаж, захиргааны хэргийн шүүх дээр гурван шатанд Засгийн газар ялагдсан байна. ХХБ, Монголын зэс корпораци хоёр хоорондоо хамаарал бүхий этгээд биш юм гэсэн дүгнэлт гарсан. Долоон үндэслэлийн нэг юм. Гэтэл өнөөдрийн энэхүү нууцаас гарсан материалаар бол Н.Орхон захирал ХХБ, Монголын зэс корпораци хоёр хоорондоо хамаарал бүхий этгээд бөгөөд санхүүгийн хувьд болон удирдлагын хувьд хамааралтай гэдгийг энэхүү нууцын тэмдэглэл дээр хэлж байжээ.

Өөр нэг сонирхол татаж байгаа зүйл нь санхүүжилтийн схем юм. 2016 оны дөрөвдүгээр сарын 16-ны өдөр 5 сая доллар "Ростек" рүү Монголын зэс корпорациас шилжсэн байдаг. Мөн 2016 оны зургадугаар сарын 17-ны өдөр 182 сая доллар шилжсэн. 2016 оны зургадугаар сарын 30-ны өдөр 213 сая 250 мянган доллар шилжээд .

Яаж энэ мөнгө боссон бэ гэхээр ХХБ Сангийн яамнаас вексел бичиж авсан байдаг. Мөн Монгол банкинд өрийн бичиг бичиж өгч, Хөгжлийн банкнаас ч зээл авсан, ХХБ өөрөө Юнайтед Энержи, Ривер стоун гэх мэт гурван компанид зээл өгөөд тус бүрийг нь Монголын зэс корпораци руу нэг сарын хугацаанд бүгдийг нь шилжүүлж, энэ асуудлууд шийдэгдсэн байна гэж үзэх үндэслэлтэй байна.

ХХБ-наас энэ зээлүүд гурван компани руу гарсаны дараа Монгол банкнаас 160 тэрбум төгрөгийг 20-иод хоногийн дараа шилжүүлэх замаар хийгдсэн байна. Хэлцэл хийх замаар өмчлөлийн маргааныг тодорхойлохын тулд хэдэн төгрөг нь төрөөс орсон, хэдэн төгрөг нь ХХБ-ны өөрийн өмч байсан юм бэ гэж тодорхойлох гэхээр

Засгийн газрын 50 дугаар тэмдэглэл дээр уг асуудлыг хууль хяналтын байгууллагад шилжүүлэх асуудлыг ХЗДХ-ийн сайдад даалгаж,  байна. 20 минутын дараа ҮАБЗ-ийн хурал болно. Энэ хурал дээр бид энэ асуудлыг танилцуулах гэж байна. гэж Засгийн газар хардаж байна.

Үүнийг шалгах үүрэг нь хууль хяналтын байгууллагуудад байгаа. Хоёр шүүгч захиргааны хэргийн шүүх дээр ажилласан. Нэг нь ХХБ-нд ажиллаж байсан. Авлигын хэрэг гэж үзэх үндэслэл бас байна. АТГ-д шилжүүлж ашиг сонирхлын зөрчил байгаа эсэхийг тодруулна. УИХ-ын 23 дугаар тогтоол хүчин төгөлдөр байгаа гэж ҮХЦ-ийн дүгнэлт гарсан учраас энэ асуудал дээр Монгол улсын төр засаг ямар байдлаар ажиллах ёстой юм бэ гэдгийг тодорхойлох ёстой. Бүх материалыг бид татаж үзсэн.

Байнгын хороодын дарга нар, ажлын хэсгийн гишүүд, төрийн гурван өндөрлөг, хрууль хяналтын байгууллагууд нэгдсэн ойлголттой байх ёстой учраас өнөөдрийн Үндэсний аюулгүй байдлын хуралдаанаар асуудлыг оруулж хэлэлцүүлэх гэж байна. Мэдээж Эрдэнэт үйлдвэрийн 49 хувийг Монгол улсад авчирсан нь буруу биш. Хамгийн гол нь тухайн үеийн Засгийн газар санхүүгийн чадамжгүй учраас давуу эрхээсээ татгалзсан байна. Энэ нь авлигын шинж чанар байна уу үгүй юу.

Гэтэл Нөгөө талаар Стандарт банк дээр холбоотой асуудал дээр албаар яллагдах нөхцөл байдал үүссэн байж болзошгүй гэсэн материалууд гарч ирж байна. Холбогдох удирдлагууд нь материалаа арбитрын шүүх дээр гаргаж өгөөгүй. Энэ тохиолдолд зориудаар санхүүгийн схемд оролцсон хүмүүстэй холбоотой байж магадгүй юм. Хуулийн байгууллага эцэслэн тогтоох ч гэсэн ХХБ-нд н.Дөлгөөн гэдэг хүний эзэмшдэг "Юнайтад энержи" гэдэг компани гэдэг нь бүртгэлээр нотлогдсон. Нөгөө компаниуд нь Ганбатын Хүрэлбаатар, Ц.Пүрэвтүвшин нарын эзэмшлийн компаниуд буцаад Монголын зэс корпораци руу орчихсон байгаа юм.

Хөгжлийн банкнаас гарсан зээлүүд шалгалтын явцад тодорхой болно. 71,3 сая, 51,3 сая долларууд Хөтлийн цемент, QFC гэдэг компани руу орсон нь баримтаар нотлогдож байгаа. Монгол банкны өрийн бичгээс авч QFC компаниас хоёр удаа 100 тэрбум төгрөг гарсан. Буцаад Хэйди трейдинг компани руу гарсан. Энэ нь н.Хүрэлбаатарын компани. Девилопмент гэдэг компани нь Эрдэнийн Батхүүгийн компани гэх мэт.

Өнөөдрийг хүртэл нэг ч хүнээс байцаалт аваагүй байна. Засгийн газар арга хэмжээ авна. Олон нийтэд мэдээллийг дэлгэрэнгүй хүргэнэ. Сэтгүүлчдэд нууцын зэрэглэлээс гарсан материалын эх хувиар нь өгнө. Үүний дараа Эрдэнэт үйлдвэрийн 49 хувьтай холбоотой асуудлаар ямар хувь хүмүүс эрх мэдлээ ашиглан оролцов гэдэг нь тодорхой болно" гэлээ.

АРДЧИЛАЛ.МН

Мэдээ таалагдсан бол лайк дарна уу:

СЭТГЭГДЭЛ (1)

by 2019-02-27

Zuv arga khemjee bna.

ШИНЭ МЭДЭЭ