П.ОРХОНЫГ ЭРХЭЭ ХАСУУЛСАН АСУУДАЛД МЧБХ АНХААРАЛ ХАНДУУЛСАНГҮЙ

53150287_2393540397540939_7678901457910759424_n.jpg П.ОРХОНЫГ ЭРХЭЭ ХАСУУЛСАН АСУУДАЛД МЧБХ АНХААРАЛ ХАНДУУЛСАНГҮЙ

МУГТ П.Орхон Азийн спортын зуны наадам “Жакарта-2018” тэмцээнээс алтан медаль хүртсэн. Гэсэн хэдий ч тус тэмцээний үеэр П.Орхоноос “станозолол” хэмээх маш хүчтэй бодис  илэрч  А болон Б сорьцоор батлагдсан. Мөн Азийн наадамд түрүүлсэн алтан медалийг хүчингүйд тооцож, Дэлхийн бөхийн нэгдсэн холбооноос  /UWW/  түүний барилдах эрхийг 4 жил буюу 2022 оны 9 сарын 19 хүртэл хасахаар болсноо мэдэгдээд байгаа.

Монгол улсаас 2020 оны Токиогийн олимпийн наадамд найдвар тавьж байсан тамирчин ийнхүү эрхээ хасуулсан нь харамсалтай үйл явдал болсон билээ. Түүнчлэн П.Орхоны барилдах эрхийг дөрвөн жилээр хасах болсон талаар Дэлхийн бөхийн холбооноос мэдэгдсэн. Гэтэл тус мэдэгдэл ирээд 10-аад хоночихоод байхад холбогдох байгууллагууд  болох, Монголын үндэсний олимпийн хороо, Чөлөөт бөхийн холбооноос одоогоор ямар ч албан ёсны мэдээлэл хийгээгүй байна.

Харин энэ талаар П.Орхоноос өөрөөс нь болон багш, дасгалжуулагч Ц.Хосбаярын байр суурийг сонсох гэсэн боловч тэд Монголын Чөлөөт Бөхийн Холбооны гишүүн учраас холбооны ерөнхий нарийн бичиг Б.Батбаярыг албан ёсны тайлбар өгсний дараагаар мэдээлэл хийнэ гэх тайлбарыг өгөөд байгаа юм.

Эргэн сануулахад П.Орхоны дасгалжуулагч “Жакарта-2018” тэмцээний үеэр түүнтэй хамт явж чадаагүй билээ. Энэ талаар түүний багш Ц.Хосбаяр хэлэхдээ: “Ямартай ч 2018 оны наймдугаар сарын 1-ны өдөр зүв зүгээр тамирчнаа шигшээ багт хариуцуулж өгсөн” гэсэн тайлбарыг өгөөд байна. Түүнчлэн П.Орхон өөрөөс нь допинг илэрсэн тухайд Дэлхийн бөхийн холбоонд өгсөн мэдүүлэгтэй “Намайг тэмцээнд орохоос өмнө судсаар нэг тариа тарьсан. Тухайн үед эмчээс ямар тариа болохыг нь асуухад уургийн тариа гэж хэлсэн.” гэж мэдүүлсэн байдаг. Одоогоор тэрбээр энэ талаараа албан ёсны мэдэгдэл хийгээгүй байгаа юм.

Бид энэ талаар Чөлөөт бөхийн холбооны ерөнхий нарийн бичгийн дарга Б.Батбаяраас тодруулахаар Спортын Төв Ордонд байрлах ажлын байранд нь очсон боловч тэрбээр байсангүй. Эх сурвалжийн мэдээлснээр түүнийг “Эрдэнэс-Тавантолгой ХК-ны удирдах зөвлөлд ажиллаж байгаа. Тэнд байж магадгүй” гэсэн юм. Тиймээс бид тус компанийн оффис дээр очиж МЧБХ-ны ЕНБДарга Б.Батбаярыг сурагласан юм. Гэвч түүнийг “одоогоор ажил дээрээ байхгүй. Уул уурхайн яаманд ажилтай байгаа” гэх тайлбарыг тус байгууллагын ажилтан өгсөн юм.

Ийнхүү МЧБХ-ны ЕНБДарга Б.Батбаяраас тайлбар авах гэсэн боловч тэрбээр олон ажлаа дамжин зугтсаар бидэнд тайлбар өгсөнгүй.

Дэлхийд өрсөлдөх чадвартай тамирчин хэмээн үнэлэгддэг П.Орхоны энэ асуудалд МЧБХ-ноос хойрго хандаж байна. Магадгүй тайлбар өгөхгүй байгаа нь хариуцлагаас зугтсан үйлдэл болохыг  үгүйсгэхгүй юм.

Б.Бадралмаа

Ардчилал.мн

Мэдээ таалагдсан бол лайк дарна уу:

СЭТГЭГДЭЛ (2)

by 2019-02-26

Orhon bol ugaasaa mundag tamirchin,bagsh ni bas mundag.manai shildeg tamirching hen ingej ewgui baidald oruulchihwaa.bagsh shawi hezee ch buruu zuil hiih humuus bish shuu.saihan tamirchin bagsh 2too amjilt husie.unen hezeed yldag shuu

by 2019-02-27

Setgvvlchid geed bgaa nuhuduud ter Batbayr geed hvniig old yariltslaga abachee zuragtaar gargaj medeelel ug gee

ШИНЭ МЭДЭЭ