МОНГОЛ УЛСЫН ЗЭВСЭГТ ХҮЧИНТЭЙ ХАМТРАН АЖИЛЛАХАД САЙХАН БАЙДАГ"

зэвсэгт-хүчин-810x500.jpg МОНГОЛ УЛСЫН ЗЭВСЭГТ ХҮЧИНТЭЙ ХАМТРАН АЖИЛЛАХАД САЙХАН БАЙДАГ"

ЗХЖШ-ын Ажиллагааны удирдлагын газрын дарга, бригадын генерал Д.Ганзориг баасан гаригт/2019.02.22/ Бээжин дэх Олон улсын Улаан загалмайн хорооны Зүүн бүсийн төлөөлөгчийн газрын хуулийн хэлтсийн дарга, хатагтай Маргерита Дасканиог хүлээн авч уулзлаа.

Уулзалтаар бригадын генерал Д.Ганзориг "Монгол Улсын Зэвсэгт хүчин Олон улсын Улаан загалмайн хорооны Зүүн бүсийн төлөөлөгчийн газартай 1996 оноос хойш хамтран ажиллаж байна. Энэ хугацаанд манай цэргийн алба хаагчдыг Зэвсэгт мөргөлдөөний тухай хуулийн талаарх мэдлэгийг дээшлүүлэх чиглэлээр олон сургалт зохион байгуулсанд талархал илэрхийлье. Монгол Улсын Зэвсэгт хүчин, Номхон далай дахь АНУ-ын цэргийн командлалтай хамтран зохион байгуулдаг "Хааны эрэлд" энхийг дэмжих олон улсын сургуульд Олон улсын Улаан загалмайн хороо 2005 оноос хойш оролцож иржээ. Энэ жилийн сургуульд ч мөн адил тодорхой бүрэлдэхүүнийг оролцуулахаар болсон нь бидний хамтын ажиллагаа өргөжиж байгаагийн нэг илрэл юм" хэмээн олон асуудлаар ярилцсан юм.

Мөн хатагтай Маргерита Дасканио "Ажиллагааны газар оронд монгол цэргүүдийн үүрэг гүйцэтгэл өндөр гэдгийг олон удаа сонсч, бахархаж ирсэн. Зэвсэгт мөргөлдөөний тухай хуулийн сургалтуудад ч тэр эрчээрээ идэвх санаачилгатай оролцож байдагт баярлалаа. Монгол Улсын Зэвсэгт хүчинтэй хамтран ажиллахад их сайхан байдаг" гэж байв.

Эх сурвалж: БХЯ

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ