БАЯН-ӨЛГИЙН ЭМЧ НАР ЭЛЭГ ТАЙРАХ МЭС ЗАСЛЫГ ОРОН НУТАГТАА ХИЙЖЭЭ

236605-23022019-1550908762-484190477-160540-22042015-1429661778-1865552940-1.jpg БАЯН-ӨЛГИЙН ЭМЧ НАР ЭЛЭГ ТАЙРАХ МЭС ЗАСЛЫГ ОРОН НУТАГТАА ХИЙЖЭЭ

Баян-Өлгий аймгийн Нэгдсэн эмнэлгийн Мэс заслын тасгийн зөвлөх эмч, клиникийн профессор Б.Бейсен тэргүүтэй мэс заслын эмч Х.Хари, З.Исагул, наркозын эмч Г.Бахытжан, сувилагч К.Гүлзира, Н.Меруерт нарын эмч нарын баг 79 настай "Х" гэдэг иргэнд элэг тайрах мэс заслыг өнгөрсөн долоо хоногт амжилттай хийжээ.

Иргэн Х нь Бүгд Найрамдах Казахстан Улсын харьяалалтай байсан бөгөөд тус улсад ходоодны гарах хэсгийн хавдартай, хагалгаа хийх боломжгүй хэмээн оношлогдож эмчилгээ хийлгэхээр Монгол Улсад ирсэн байна.

Баян-Өлгий аймгийн эмч нар тухайн иргэнийг дахин оношилж элэгний баруун дэлбэнгийн шохойжсон том хавдарлаг үүсвэр ходоодны гарах хэсгийг гаднаас дарж наалдсан байсныг илрүүлжээ. Улмаар элэгний баруун дэлбэнг 14х8 см том үүсвэртэй хамт тайрах хагалгаа хийсэн байна. Өвчтөний биеийн байдал сайжирсан ба уржигдар эмнэлгээс гарчээ. 

Эх сурвалж: ЭМЯ

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ