Хятад улс 2025 онд сансарт нарны цахилгаан станц байгуулахыг зорьж байна

6fd7ae_space_solar_farm_x974.jpg Хятад улс 2025 онд сансарт нарны цахилгаан станц байгуулахыг зорьж байна

Гэхдээ нарны эрчим хүчийг дэлхий дээр гаргаж авснаас сансрын уудамд гаргаж авах нь илүү үр дүнтэй гэдэг.

Тиймээс Хятадын эрдэмтэд дэлхийн гадаргаас 36,000 км-ийн өндөрт гараг хоорондын нарны цахилгаан станцыг байгуулахаар төлөвлөж байгааг тус улсын шинжлэх ухаан, технологийн сэтгүүл мэдээлжээ.

Тодруулбал 2021-2025 оны хооронд тус улс стратосферт жижиг хэмжээний цахилгаан станц байрлуулж, 2030 онд мегаватт чадалтай болгон өргөжүүлж, 2050 оноос өмнө гигаваттын хүчин чадалд хүргэхээр төлөвлөжээ.

Агаар мандлын нөлөө байхгүй, шөнийн цагаар тасалдахгүй тул сансрын нарны станц нь цэвэр эрчим хүчний найдвартай эх үүсгүүр болно гэж тооцоолсон байна.

Хятадын Сансрын Технологийн Корпорацийн тооцоолсноор сансарт гаргаж авах эрчим хүч нь цаг хугацааны 99 хувийн ашиглалттай, газар дээр гаргаж авснаас 6 дахин өндөр үр дүнтэй байх гэнэ.

Сансарт гаргаж авсан цахилгаан эрчим хүчээ дэлхий рүү богино долгион, эсвэл лазерын долгионоор дамжуулах ба дэлхийд хүлээн авагч нь байрлах юм.

Гэхдээ энэ бүтээн байгуулалтад шийдэх ёстой хэд хэдэн асуудал бий.

Ийм хэмжээний станцын тоног төхөөрөмжийн жин нь ойролцоогоор 1,000 тонн болох ба сансрын уудамд тээвэрлэн хүргэхэд маш өндөр зардалтай байна.

Тиймээс робот 3 хэмжээст хэвлэгч ашиглан сансарт станцаа үйлдвэрлэх аргыг судалж байгаа гэнэ. Үүнээс гадна богино долгионоор эрчим хүчийг дэлхий рүү дамжуулахад агаар мандлын сөрөг нөлөө хэр байхыг судлах шаардлагатай байгаа ажээ.

Гэхдээ эдгээр бэрхшээлүүдийг шийдэх боломжтой гэж Хятадын мэргэжилтнүүд үзэж байгаа гэнэ.

Эх сурвалж: Engadget

Мэдээ таалагдсан бол лайк дарна уу:

СЭТГЭГДЭЛ (0)

ШИНЭ МЭДЭЭ